මහජනතාවට දැන් කෙලින්ම පරිසර අමාත්යාංශය කතා කරන්න පුළුවන් - නව නිල WhatsApp සේවාවක් හඳුන්වා දෙයි
ශ්රී ලංකාවේ පාරිසරික පද්ධතීන් සුරක්ෂිත කරමින් තිරසාර සහ හරිතමය අනාගතයක් උදෙසා පියවරක් ඉදිරියට තබමින්, මහජනතාවට සෘජුවම පරිසර අමාත්යාංශය හා සම්බන්ධ විය හැකි නව නිල WhatsApp සේවාව 070 250 950 9 යන දුරකථන අංකය ඔස්සේ නිල වශයෙන් හඳුන්වා දී තිබේ.
“තිරසර ජෛව ගෝලයක් සදාහරිත ජීවිතයක්” යන තේමාව පෙරදැරි කරගනිමින් ක්රියාත්මක වන මෙම තාක්ෂණික සේවාව හරහා පාරිසරික ගැටලු පිළිබඳ විමසීම් (Inquire), නීතිවිරෝධී ක්රියා වාර්තා කිරීම් (Report) සහ පාරිසරික සංරක්ෂණ වැඩසටහන් සඳහා මහජන සහභාගීත්වය (Participate) සක්රීයව ලබාගැනීමත් ඊට කඩිනම් විසඳුම් ලබා දීමත් අපේක්ෂා කෙරේ.
පරිසර අමාත්යාංශය සඳහන් කරන්නේ විශේෂයෙන්ම, මෙම පණිවිඩ හුවමාරු ක්රියාවලියේදී කරුණු සහ සාක්ෂි සහිත ලිපිලේඛන, ඡායාරූප මෙන් ම නිල වාර්තා (Documents) වෙත ප්රමුඛත්වය ලබාදීමට අමාත්යාංශය කටයුතු සූදානම් කර ඇති අතර, එමඟින් පාරිසරික ගැටලුවලට වඩාත් නිවැරදි, විද්යාත්මක සහ කඩිනම් විසඳුම් ලබාදීමට හැකියාව ලැබෙනු ඇති බවයි.
රජයේ ප්රතිපත්තිමය ප්රවේශය වන්නේ පරිසර සංරක්ෂණය යනු හුදෙක් රාජ්ය ආයතනවලට පමණක් සීමා වූ වගකීමක් නොව, සක්රීය මහජන සහභාගීත්වය මත ගොඩනැඟිය යුත්තක් යන්නයි.
මෙම WhatsApp අංකය හඳුන්වාදීම හරහා පරිපාලනමය ප්රවේශයන් සරල කරමින්, සාමාන්ය පුරවැසියා සහ රාජ්ය තන්ත්රය අතර පවතින දුරස්ථභාවය අවම කිරීමට පියවර ගෙන තිබේ. ක්ෂේත්ර මට්ටමින් සිදුවන පාරිසරික හානීන් ක්ෂණිකව වාර්තා කිරීමටත්, පරිසර හිතකාමී නව අදහස් සහ ප්රතිපෝෂණ සෘජුවම බලධාරීන් වෙත යොමු කිරීමටත් මේ තුළින් අවකාශ සැලසෙයි.
තාක්ෂණය සහ සිවිල් සමාජ වගකීම එකිනෙක යා කෙරෙන මෙම ප්රායෝගික වැඩපිළිවෙළ, ශ්රී ලංකාවේ පාරිසරික පාලන තන්ත්රය වඩාත් විනිවිදභාවයකින් සහ වගවීමකින් යුතුව ඉදිරියට රැගෙන යාමට ලැබුණු සන්නිවේදනමය ජයග්රහණයක් වේ. අපේ පරිසරය රැකගැනීම අප සැමගේ සාමූහික වගකීමක් වන බැවින්, පිරිසිදු, හරිතවත් සහ සෞඛ්යසම්පන්න ශ්රී ලංකාවක් නිර්මාණය කිරීමේ මෙම ජාතික මෙහෙවර සඳහා අමාත්යාංශය සමග අත්වැල් බැඳගන්නා ලෙස පරිසර අමාත්යාංශය සමස්ත ශ්රී ලාංකික ජනතාවගෙන් ඉල්ලා සිටියි.
ඔබගේ පාරිසරික ගැටලු, වාර්තා සහ යෝජනා ලිපි ලේඛනගත කර, 070 250 950 9 යන නිල WhatsApp අංකය වෙත පණිවිඩයක් (Message only) ලෙස යොමු කළ හැකියි.
![පාර්ලිමේන්තු සභාවාරය ආරම්භයි [LIVE]](https://cdn.ibcstack.com/article/10aa8066-86c6-45a1-ab96-8cdc585f25a2/26-6a3dfe702ba48-sm.webp)
![කවුරුත් හොයපු අශේන්ගේ කළු කුමාරයා - කොල්ලෝ කෙල්ලොන්ගේ ඇස් උඩයද්දි බලන්නකෝ බස්සපු සුපිරි වන්ඩිය [VIDEO]](https://cdn.ibcstack.com/article/b5dcdce6-2181-4904-aa89-e9945129a876/26-6a3debb408765-sm.webp)
![අධ්යාපනවේදී උපාධිධාරින් වසර ගාණක් ගෙදර මේක බරපතල ප්රශ්නයක් අධ්යාපන ඇමතිගේ වත්මන් ක්රියාව අපි හෙලා දකිනවා - ජෝසප් ස්ටාලින් [VIDEO]](https://cdn.ibcstack.com/article/6c0f9260-3647-46e8-8209-ff1f1161e2ed/26-6a3cfdb98ef40-sm.webp)
![සජබය ඇතුළේ තියෙන කුණු, ආණ්ඩුවෙන් අතුගාලා පිරිසිදු කිරීම ගැන අපේ විරෝධයක් නෑ - බුද්ධික පතිරණ [VIDEO]](https://cdn.ibcstack.com/article/efdf9be9-be10-451e-a04e-458d6d80d56c/26-6a3cf36f7ee37-sm.webp)
![ජනාධිපති පාර්ලිමේන්තු සභාගර්භයට පැමිණේ - ජනපති පාර්ලිමේන්තුව ඇමතීම ආරම්භයි [LIVE]](https://cdn.ibcstack.com/article/be7e79a5-77e9-40bb-a89c-59c151b33c94/26-6a3cc9f8a3536-sm.webp)
![පාර්ලිමේන්තු සභාවාරය ආරම්භයි [LIVE]](https://cdn.ibcstack.com/article/d376398a-50b9-47e9-a259-56ba9a2364ec/26-6a3caa7ae64a1-sm.webp)
![අපේ මන්ත්රීවරු පාවිච්චි කරන්නේ.. කුලියට ගත්ත වාහන මම පාවිච්චි කරන්නෙත් සමන්ත මන්ත්රීවරයාගේ වාහනේ - හැම රුපියලක්ම ආරක්ෂා කරන බව කියන අසිත [VIDEO]](https://cdn.ibcstack.com/article/9560f183-69c3-4cd2-b4f7-60c7b7ea1d6e/26-6a3b61c4b0c1f-sm.webp)
