රියදුරු බලපත්‍ර ගන්න ඉන්න අයට සතුටුදායක ආරංචියක්

මුද්‍රණ කාඩ් හිඟය නිසා නිකුත් කිරීම නතර වූ රියදුරු බලපත්‍ර මුද්‍රණ කටයුතු යළි ආරම්භ කර ඇත. මෙම හිඟය හේතුවෙන් තාවකාලික බලපත්‍ර නිකුත් කෙරුණි.

මුද්‍රණය සඳහා රැඳී ඇති බලපත්‍ර ගණන ලක්ෂ 3.5කට ආසන්නය. මෝටර් රථ ප්‍රවාහන කොමසාරිස් ජනරාල් කමල් අමරසිංහ මහතා පැවසුවේ මුද්‍රණය සිදුකෙරෙනු ඇත්තේ වේරහැර ප්‍රධාන කාර්යාලය, හම්බන්තොට හා අනුරාධපුර අතිරේක මධ්‍යස්ථාන තුනකදී බවය.

අලුතින් රියදුරු බලපත්‍ර මුද්‍රණයට මොනවා වෙයි ද? - මුද්‍රණයේදී රජයට රු. කෝටි 13ක පාඩුවක්

දිනපතා බලපත්‍ර 6,000ක් නිකුත් කිරීමට සැලසුම් කර ඇති අතර, ඉන් 1,500ක් එක්දින සේවාව යටතේය. සාමාන්‍ය සේවාව යටතේ දිනකට 4,500ක් නිකුත් වනු ඇත.

ගොඩගැසුණු බලපත්‍ර සති දෙකක් තුළ මුද්‍රණය කර බෙදාහැරීමට හැකිවනු ඇති බව කොමසාරිස් ජනරාල්වරයා සඳහන් කළේය. මේ අතර තවත් කාඩ් ලක්ෂ 10ක් ඉදිරියේදී ආනයනය කෙරේ.

“මම ආණ්ඩුවට එකතු වෙන්නේ නැහැ, හැබැයි සහාය දෙනවා” - ෆොන්සේකා කියන කතා