ටියුෂන් යවන්නත් එපා - දෙනියායේ දෙමාපියන්ට සෞඛ්‍ය අංශවලින් හදිසි පණිවුඩයක්

උණ රෝගී තත්ත්වයක් පැතිර යාම හේතුවෙන් අද (11) සහ හෙට දිනවල දරුවන් උපකාරක පන්තිවලට යොමු කිරීමෙන් වලකින ලෙස සෞඛ්‍ය බලධාරීන් මාතර - දෙනියාය අධ්‍යාපන කලාපයේ සිසුන්ගේ දෙමාපියන්ගෙන් ඉල්ලීමක් කර තිබේ.

එම රෝගී තත්ත්වය හේතුවෙන් වසා දැමූ දෙනියාය අධ්‍යාපන කලාපයට අයත් පාසල් හතර හෙට සහ අනිද්දා දිනයේද තවදුරටත් වසා තැබීමට බලධාරීන් අද තීරණය කර ඇත.

දෙනියායේ පාසල් කළඹපු රෝගයට හේතුව සොයාගනී - හෙටත් වැසෙන පාසල්

ඒ අනුව දෙනියාය මධ්‍ය විද්‍යාලය, දෙනියාය රාජපක්ෂ මහා විද්‍යාලය, දෙනියාය ශාන්ත මැතිව් විද්‍යාලය සහ පල්ලේගම සිද්ධාර්ථ විද්‍යාලය යන පාසල් මෙලෙස වසා තැබීමට නියමිතය.

මේ අතර, දරුවන් අතර පැතිර යන උණ රෝගය පිළිබඳව විශේෂ පරීක්ෂණ සඳහා කොළඹින් පිටත්ව ගිය වෛද්‍ය විශේෂඥ කණ්ඩායමක් මේ වන විට පරීක්ෂණ ආරම්භ කර ඇති බව සෞඛ්‍ය අංශ සඳහන් කරයි.

රෝගය තවදුරටත් පැතිර යාම වැළැක්වීම සඳහා අවශ්‍ය සෞඛ්‍ය උපදෙස් පිළිපදින ලෙසද බලධාරීන් දෙමාපියන්ගෙන් ඉල්ලීමක් කර ඇත.

2027 සිට පාසල් සහ විභාග කාලසටහන්වල ලොකු වෙනසක්

අද රාත්‍රී 11.30 දක්වා දැඩි අනතුරු ඇගවීම් - ජනතාව වහාම ප්‍රවේශම් වෙන්න