අද කියයි හෙට කියයි කියලා බලන් හිටපු සුබ ආරංචිය. - සංවර්ධන නිලධාරීන්ව ගුරු සේවයට. - ඇමතිගෙන් විශේෂ ප්‍රකාශයක්.
Wayomi
රජයේ පාසල්වල දැනට ගුරුවරුන් ලෙස සේවයේ නියුක්තව සිටින සංවර්ධන නිලධාරීන්ව ගුරු සේවයට අන්තර් ග්‍රහණය කරගැනීමට ජනාධිපතිවරයා එකඟත්වය පළ කර ඇති බව අධ්‍යාපන අමාත්‍ය සුසිල් ප්‍රේම්ජයන්ත් ප්‍රකාශ කළා.
ඒ, අද (03) පාර්ලිමේන්තුවේ දී ප්‍රකාශයක් සිදුකරමින්.
මේ අනුව එම සංවර්ධන නිලධාරීන් පිරිස අභ්‍යාසලාභීන් ලෙස බඳවා ගෙන ගුරු සේවයට අන්තර් ග්‍රහණය කරගන්නා ලෙසට ජනාධිපතිවරයා දැනුම් දී ඇත.
වැඩිදුරටත් අදහස් දැක්වූ අමාත්‍යවරයා,
"රජයේ පාසල්වල දැනටමත් ගුරුවරුන් ලෙස සේවයේ නියුක්තව සිටින සියලුම සංවර්ධන නිලධාරීන් ගැන රාජ්‍ය සේවා කොමිෂන් සභාවේ මතය අපට එවලා තිබුණා. ඒකට අපි එකඟවුණේ නැහැ අමාත්‍ය මණ්ඩලය විදිහට. ඒ නිසා අපි ආපසු යැව්වා සතියක් තුළ මේ ඊයේ ගත්තු තීන්දුව... සතියක් තුළ අපට දැනුම්දෙන්න මේක ප්‍රායෝගික විසඳන ක්‍රමය ගැන කියලා.
ඒ වගේම ජනාධිපතිවරයා එකඟවුණා එතුමා විසින් මේ 16,000 ප්‍රශ්නය අභ්‍යාසලාභීන් විදිහට අරගෙන ගුරු සේවයට අන්තර් ග්‍රහණය කිරීම පිළිගන්නවා කියලා. මොකද අවුරුදු 05ක් මේ පිරිස පාසල්වල පුහුණු වුණා. මේ අයව කාර්යාලවලට දාන්න බැහැ. අපිට තියෙන්නේ මේ පිරිස මෙතෙනට අරගෙන PGD එකදීලා පුහුණු කරලා පාසල් තුළ තියාගන්න. මේ ටික සම්පූර්ණ වෙනකොට ගුරු වර්ග අනුව පුරප්පාඩු සංඛ්‍යාවක් තියෙනවා මිසක් සීමිත 4,000ක 5,000ක විතර වෙන පුරප්පාඩු 25,000ක් නැහැ."
