තත්ත්වය දරුණු වේ - ලංකාවෙන් රෝගීන් 35,228ක් - මරණ 20යි

මේ වසරේ ගතවූ කාල සීමාව තුළ මෙරටින් වාර්තා වූ සමස්ත ඩෙංගු රෝගීන්ගේ සංඛ්‍යාව 35,228 දක්වා ශීඝ්‍රයෙන් ඉහළ ගොස් ඇති බව ජාතික ඩෙංගු මර්දන ඒකකයේ අධ්‍යක්ෂ වෛද්‍ය කපිල කන්නංගර මහතා පවසයි.

ඔහු ප්‍රකාශ කළේ, මෙය පසුගිය වසරේ අදාළ කාලසීමාවට සාපේක්ෂව සියයට 30ත්-40ත් අතර කැපීපෙනෙන ප්‍රමාණයක වර්ධනයක් වන බවයි.

මෙලෙස හඳුනාගත් රෝගීන්ගෙන් අතිබහුතරය බස්නාහිර පළාතෙන් වාර්තාවී ඇති අතර ඉන් වැඩිම රෝගීන් සංඛ්‍යාවක් කොළඹ දිස්ත්‍රික්කයෙන් හමුවී ඇති බව රේඛීය දත්ත සනාථ කරයි.

මීට අමතරව දකුණු පළාතේ මාතර සහ ගාල්ල දිස්ත්‍රික්කවලිනුත්, මධ්‍යම පළාතේ මහනුවර දිස්ත්‍රික්කයෙනුත්, සබරගමුව පළාතේ රත්නපුර දිස්ත්‍රික්කයෙනුත් වැඩිම ඩෙංගු රෝගීන් පිරිසක් හඳුනා‌ගෙන ඇති බව ජාතික ඩෙංගු මර්දන ඒකකය නිල වශයෙන් සඳහන් කරයි.

වෛද්‍ය වාර්තාවලට අනුව සමස්ත ඩෙංගු රෝගීන්ගෙන් සියයට අසූවක් පමණක්ම වාර්තාවී ඇත්තේ කොළඹ, ගම්පහ, රත්නපුර, මාතර, ගාල්ල සහ මහනුවර යන ප්‍රධාන දිස්ත්‍රික්ක හයෙන් පමණි.

කලාපීය වශයෙන් ඇති වූ දිට්වා සුළිකුණාටු තත්ත්වයත් සමඟ මෙරට තුළ නිර්මාණය වූ අධික වර්ෂාපතනය සහ ඉන් අනතුරුව ප්‍රදේශ රැසකට විටින් විට ලැබුණු වැසි සහිත කාලගුණික තත්ත්වය හේතුවෙන් මෙලෙස ඩෙංගු මදුරුවන් බෝවීම සහ රෝගීන් වාර්තාවීම කැපීපෙනෙන ලෙස ඉහළ ගොස් තිබේ.

මේ අතර අද දිනයේදී ද අවාසනාවන්ත ලෙස තවත් ඩෙංගු මරණයක් සිදුව ඇති බවට නිල තොරතුරු වාර්තාවී ඇති අතර, ඒ සමඟින් මේ වසරේ මෙරටින් වාර්තා වූ සමස්ත ඩෙංගු මරණ සංඛ්‍යාව විස්ස දක්වා ඉහළ ගොස් ඇත.

අභිරහස් ලෙස මියගිය කපිල චන්ද්‍රසේනගේ මරණ පරීක්ෂණය පිළිබද නියෝග

මෙලෙස වෛරසය වැළඳීමෙන් මිය ගිය සමස්ත පිරිස අතර පිරිමි පුද්ගලයින් පස් දෙනෙකු සිටින බවත් සෙසු පිරිස කාන්තාවන් වන බවත් ඔහු ප්‍රකාශ කළේය.

එමෙන්ම මෙලෙස මිය ගිය පිරිස අතරට කුඩා ළමුන් තිදෙනෙකු ද අවාසනාවන්ත ලෙස ඇතුළත්ව සිටිති.

රටම කම්පා වුන 'සෙනෙහසේ කැදැල්ල' වැඩිහිටි රැඳවුම් මධ්‍යස්ථානයේ ගින්නෙන් මිය ගිය ගණන ඉහළට

ගතවූ දෙදහස් විසිපහ වසරේ සමස්ත කාලය තුළදීම ලංකාවෙන් ඩෙංගු රෝගීන් විසිඅට දෙනෙකු මිය ගොස් ඇති බව ද එහිදී වෛද්‍ය කපිල කන්නංගර මහතා වැඩිදුරටත් මතක් කර දුන්නේය.