ජනපති දිල්ලියට යන හේතුව මෙන්න

 2026 පෙබරවාරි 16 සිට 20 දක්වා නවදිල්ලියේදී පැවැත්වීමට නියමිත 2026 ඉන්දීය AI බලපෑම් සමුළුවේදී ජනාධිපති අනුර කුමාර දිසානායක මහතා ශ්‍රී ලංකාව නියෝජනය කරනු ඇත.

මෙතෙක් පැවති ගෝලීය AI සමුළු හතරෙන් විශාලතම සමුළුව ලෙස සැලකෙන මෙම සමුළුව, වගකිවයුතු, සියල්ල ඇතුළත් සහ බලපෑම් මත පදනම් වූ කෘතිම බුද්ධිය කෙරෙහි ජාත්‍යන්තර අවධානය වැඩිවෙමින් පවතින බව ඉස්මතු කරනු ලබයි.

ඉන්දියාවේ ශ්‍රී ලංකා මහ කොමසාරිස් මහිෂිනි කොලෝන් මහත්මිය ජනාධිපතිවරයාගේ සහභාගීත්වය තහවුරු කර තිබේ.

තවද ඩිජිටල් පරිවර්තනය, නවෝත්පාදනය සහ නැගී එන තාක්ෂණයන්හි ඉන්දියාව සහ පුළුල් ගෝලීය ප්‍රජාව සමඟ සහයෝගීතාවය සඳහා රටේ කැපවීම අවධාරණය කරන බව සඳහන් කළාය.