භාණ්ඩාගාරයේ කෝටි 80 කොල්ලයට රාජගිරියේ සයිබර් කල්ලිය සම්බන්ධද - සැකකරුවන් 120ක් රක්ෂිත බන්ධනාගාරයට

රාජගිරිය ප්‍රදේශයේදී මූල්‍ය හා සයිබර් අපරාධ සම්බන්ධයෙන් අත්අඩංගුවට ගත් චීනය ඇතුළු රටවල් නවයක සැකකරුවන් 120 දෙනා, මෑතකදී භාණ්ඩාගාරයෙන් ඇමරිකානු ඩොලර් මිලියන 2.5ක් සොරකම් කිරීමේ සිද්ධියට සම්බන්ධද යන්න සොයා බැලීමට විමර්ශන ආරම්භ කර ඇති බව වැලිකඩ පොලිස් ස්ථානාධිපති ප්‍රධාන පොලිස් පරීක්ෂක සමන් වීරසිංහ මහතා අධිකරණයට දැනුම් දී තිබේ.

කොළඹ අතිරේක මහේස්ත්‍රාත් නුවන් කෞෂල්‍ය මහතා වෙත ඉදිරිපත් කළ වාර්තාවකින් පොලිසිය සඳහන් කර ඇත්තේ, මෙම පිරිස සම්බන්ධයෙන් පුළුල් විමර්ශන සිදුකරමින් පවතින බවයි.

බදු ගෙවන්නන්ගේ බිලියන 7 ක් මෙට්‍රෝ බස් වලට.. පෞද්ගලික බස් හිමියන්ගෙන් ආණ්ඩුවට රතු එළියක්

නඩු විභාගය වට්සැප් වීඩියෝ ඇමතුමක් හරහා පවත්වන ලද අතර, සැකකරුවන් 120 දෙනාම 15 වන දින දක්වා රක්ෂිත බන්ධනාගාරගත කිරීමට අධිකරණය නියෝග කර තිබේ. නඩු කටයුතු සඳහා චීන භාෂා පරිවර්තකයෙකුගේ සහායද ලබාගෙන ඇත.

වැලිකඩ, රාජගිරිය මැද වැලිකඩ වතු පාරේ අංක 106 පිහිටි සත් මහල් ගොඩනැගිල්ලක සිටියදී මෙම සැකකරුවන් අත්අඩංගුවට ගෙන ඇති අතර, එම ස්ථානයට පෞද්ගලික ආරක්ෂක සේවාවක් ලබාදී තිබූ බවද පොලිසිය අධිකරණයට වාර්තා කර ඇත.

මෙම ගොඩනැගිල්ලේ තුන් මහල් කිහිපයක ව්‍යාපාරික කටයුතු සිදු කර ඇති බවත්, මෙතෙක් සිදුකළ සෝදිසි මෙහෙයුම් වලදී පළමු මහලෙන් සේප්පු සහ ජංගම දුරකථන ඇතුළු භාණ්ඩ හමුවී ඇති බවත් පොලිසිය පවසා තිබේ.

රජයේ මූල්‍ය කළමනාකරණය ගැන නාමල් රාජපක්ෂගෙන් රතු එළියක්

අපරාධ පරීක්ෂණ දෙපාර්තමේන්තුවේ විමර්ශන අනුව, මෙම මෙහෙයුමට අදාළව විදේශීය රටවල් පහකින් අරමුදල් ලැබී ඇති බවද අනාවරණය වී ඇත.

මේ අතර, අධිකරණයට ඉදිරිපත් කළ සැකකරුවන් අතර එක් පුද්ගලයෙකු බන්ධනාගාර බලධාරීන් විසින් ඉදිරිපත් නොකිරීම සම්බන්ධයෙන්ද අධිකරණය අවධානය යොමු කර ඇති අතර, එම පුද්ගලයාගේ ස්ථානය පිළිබඳ වාර්තාවක් ඉදිරි නඩු විභාගයේදී ඉදිරිපත් කරන ලෙස නියෝග කර තිබේ. 

රසිකයන් පිස්සු වට්ටමින් ශනුද්‍රි ප්‍රියසාද්ට මංගල සීනු නාද වෙයි - මෙන්න විවාහ මංගල්‍යයේ පිංතූර