අද කොළඹ කොටස් වෙළෙඳපොළේ සිදුවූ වෙනස මෙන්න

ශ්‍රී ලංකාවේ කොළඹ කොටස් වෙළෙඳපොළ (CSE) ප්‍රධාන දර්ශක අඟහරුවාදා මධ්‍යහ්නය වන විට පහළ ගොස් තිබූ බව CSE දත්ත පෙන්වා දෙයි. සියලු කොටස් මිල දර්ශකය (ASPI) ඒකක 78.75කින් හෙවත් සියයට 0.36කින් පහළ ගොස් ඒකක 21,544.91ක් ලෙස සටහන් විය.

වඩාත් ද්‍රවශීලී S&P SL20 දර්ශකයද ඒකක 17.55කින් හෙවත් සියයට 0.29කින් පහළ ගොස් ඒකක 6,049.00ක් දක්වා අඩු වී තිබුණි. ASPI දර්ශකයට ධනාත්මක දායකත්වයක් ලබාදුන් සමාගම් අතර Richard Pieris and Company සියයට 1.92කින් ඉහළ ගොස් රුපියල් 26.50ක් ලෙසත්, Tri-State Asian Partners සියයට 4.33කින් ඉහළ ගොස් රුපියල් 31.30ක් ලෙසත් වාර්තා විය.

එමෙන්ම Colombo Dockyard කොටසක මිල සියයට 1.01කින් ඉහළ ගොස් රුපියල් 125.00ක් වූ අතර, Vidullanka සියයට 2.74කින් ඉහළ ගොස් රුපියල් 22.50ක් විය. මේ අතර, ASPI දර්ශකයට ප්‍රධාන වශයෙන් ඍණාත්මක බලපෑමක් එල්ල කළ සමාගම් අතර Ceylinco Insurance සියයට 6.72කින් පහළ ගොස් රුපියල් 2,900.00ක් ලෙසත්, Hayleys සියයට 1.16කින් පහළ ගොස් රුපියල් 235.25ක් ලෙසත් වාර්තා විය.

රටේම ආදරේ දිනූ වයඹ භාර ජ්‍යෙෂ්ඨ නියෝජ්‍ය පොලිස්පති අජිත් රෝහණ සේවයෙන් විශ්‍රාම ගයි

Dialog Axiata කොටසක මිලද සියයට 0.41කින් පහළ ගොස් රුපියල් 48.60ක් විය. මධ්‍යහ්නය වන විට වෙළෙඳපොළ පිරිවැටුම රුපියල් මිලියන 720.4ක් වූ අතර, එයින් රුපියල් මිලියන 310.4ක පිරිවැටුමක් රක්ෂණ අංශයෙන් වාර්තා වී තිබුණි.

මේ අතර Nations Trust Bank විසින් රුපියල් බිලියන 13.8ක් රැස්කර ගැනීම සඳහා අයිතිවාසිකම් නිකුතුවක් (Rights Issue) සිදු කිරීමට සැලසුම් කර තිබේ.

ඒ අනුව, සාමාන්‍ය ඡන්ද හිමි කොටස් සහ/හෝ සාමාන්‍ය ඡන්ද රහිත පරිවර්තනය කළ හැකි කොටස් 22කට සාමාන්‍ය ඡන්ද රහිත පරිවර්තනය කළ හැකි කොටස් 3ක් බැගින් නිකුත් කිරීමට නියමිත අතර, එක් කොටසක් රුපියල් 305ක මිලකට ලබාදීමට නියමිතය.

සජිත්ගෙන් ආණ්ඩුවට දැඩි චෝදනාවක් - “ආණ්ඩුක්‍රම ව්‍යවස්ථාව උල්ලංඝනය කරනවා”