කොළඹ කොටස් වෙළෙඳපොළ අදත් ඉහළට - අපනයන නිෂ්පාදන ධාරිතාව දෙගුණ කිරීමට දැවැන්ත සැලැස්මක්

ශ්‍රී ලංකාවේ කොළඹ කොටස් වෙළෙඳපොළේ දර්ශක සිකුරාදා පෙරවරුවේ ඉහළ අගයක ගනුදෙනු වෙමින් පැවති අතර, කොළඹ කොටස් වෙළෙඳපොළ දත්ත අනුව ප්‍රධාන සියලු කොටස් මිල දර්ශකය (ASPI) සියයට 0.11කින් ඉහළ ගොස් තිබෙනවා.

ඒ අනුව ASPI දර්ශකය ඒකක 22.76කින් ඉහළ ගොස් ඒකක 21,428.38ක් ලෙස සටහන් වූ අතර, වඩාත් ද්‍රවශීලී S&P SL20 දර්ශකය සියයට 0.27කින් හෙවත් ඒකක 16.12කින් ඉහළ ගොස් ඒකක 6,035.37ක් ලෙස වාර්තා වුණා. ASPI දර්ශකයේ ඉහළ යාම සඳහා John Keells Holdings, Citizens Development Business Finance, Sierra Cables සහ Sampath Bank යන සමාගම්වල කොටස් මිල ඉහළ යාම ප්‍රධාන වශයෙන් බලපා තිබෙනවා.

John Keells Holdings කොටසක් රුපියල් 19.90ක් දක්වා සියයට 0.51කින්ද, Citizens Development Business Finance කොටසක් රුපියල් 39.30ක් දක්වා සියයට 4.80කින්ද, Sierra Cables කොටසක් රුපියල් 34.50ක් දක්වා සියයට 5.83කින්ද, Sampath Bank කොටසක් රුපියල් 140.00ක් දක්වා සියයට 0.36කින්ද ඉහළ ගොස් තිබෙනවා.

මේ අතර, RIL Property, Aitken Spence සහ Ceylon Cold Stores යන සමාගම්වල කොටස් මිල පහළ යාම දර්ශකයේ වර්ධනයට සෘණාත්මක බලපෑමක් එල්ල කර තිබෙනවා. RIL Property කොටසක් රුපියල් 24.20ක් දක්වා සියයට 2.02කින්ද, Aitken Spence කොටසක් රුපියල් 140.00ක් දක්වා සියයට 1.06කින්ද, Ceylon Cold Stores කොටසක් රුපියල් 125.00ක් දක්වා සියයට 0.20කින්ද පහළ ගොස් තිබෙනවා.

අපිට වැඩියෙන්ම කැමති රටවල් හෙළිවෙයි - අසල්වැසි රටවල් තුනක්ම ලංකාව ගැන කියන දේ මෙන්න

වෙළෙඳපොළේ සමස්ත ගනුදෙනු පිරිවැටුම රුපියල් මිලියන 274.9ක් ලෙස සටහන් වී ඇති අතර, එම පිරිවැටුම සඳහා ප්‍රාග්ධන භාණ්ඩ අංශය රුපියල් මිලියන 178.8ක දායකත්වයක් ලබා දී තිබෙනවා. මේ අතර, Sierra Cables සමාගම විසින් නව යන්ත්‍රෝපකරණ සහ යටිතල පහසුකම් සඳහා ඇමෙරිකානු ඩොලර් මිලියන 3.23ක ප්‍රාග්ධන ආයෝජන සැලැස්මක් අධ්‍යක්ෂ මණ්ඩලය විසින් අනුමත කර ඇති බව නිවේදනය කර තිබෙනවා.

විදේශ වෙළෙඳපොළෙන් පවතින ඉහළ ඉල්ලුමට ප්‍රතිචාර දක්වමින් සිය අපනයන නිෂ්පාදන ධාරිතාව දෙගුණ කිරීම මෙම ආයෝජන සැලැස්මේ අරමුණයි. ධාරිතා පුළුල් කිරීමේ කටයුතු 2026/27 මූල්‍ය වර්ෂය අවසන් වන විට සම්පූර්ණ කිරීමට නියමිත අතර, එහි වාණිජ මෙහෙයුම් 2027 අප්‍රේල් 1 වැනිදා සිට ආරම්භ කිරීමට සැලසුම් කර තිබෙනවා.

දිනය අවසන් වන විට Sierra Cables කොටසක මිල සියයට 6.13කින් ඉහළ ගොස් රුපියල් 34.60ක් ලෙස සටහන් වී තිබෙනවා.

2026 යල කන්නයේ වී ගන්න කෝටි 750කට පාර්ලිමේන්තුවෙන් අනුමැතිය