කොළඹ කොටස් වෙළෙඳපොළේ අද වෙනසක් - සමාගම් කොටස් ගැන උනන්දු ඔබට විස්තරය මෙන්න

කොළඹ කොටස් වෙළෙඳපොළේ (CSE) ප්‍රධාන මිල දර්ශක දෙකම අද (10) ගනුදෙනු අවසානයේදී පහළ ගොස් තිබේ. ඒ අනුව, සියලු කොටස් මිල දර්ශකය (ASPI) ඒකක 93.55කින් පහළ ගොස් ඒකක 21,372.45ක් ලෙස සටහන් වූ අතර, එය සියයට 0.44ක පහළ යාමකි.

වඩාත් ද්‍රවශීලී සමාගම් 20 නියෝජනය කරන S&P SL20 දර්ශකයද ඒකක 23.80කින් එනම් සියයට 0.39කින් පහළ ගොස් ඒකක 6,010.07කින් දිනය අවසන් කළේය.

ASPI ඉහළට දායක වූ සමාගම්

අද ASPI දර්ශකයට ධනාත්මක බලපෑමක් එල්ල කළ සමාගම් අතර Aitken Spence, Ceylinco Holdings, Sampath Bank, Richard Pieris and Company සහ The Colombo Fort Land & Building Company කැපී පෙනුණි.

Aitken Spence කොටසක් රුපියල් 142.00ක් දක්වා සියයට 1.61කින් ඉහළ ගිය අතර, Ceylinco Holdings කොටසක් රුපියල් 2,925.00ක් දක්වා සියයට 0.85කින් ඉහළ ගියේය.

Sampath Bank කොටසක් රුපියල් 139.50ක් දක්වා සියයට 0.36කින්ද, Richard Pieris and Company කොටසක් රුපියල් 26.90ක් දක්වා සියයට 1.13කින්ද ඉහළ ගොස් තිබේ.

The Colombo Fort Land & Building Company කොටසක් රුපියල් 57.80ක් දක්වා සියයට 3.03කින් ඉහළ ගොස් ඇත.

පහළ ගිය ප්‍රධාන කොටස්

මේ අතර, Melstacorp, Dialog Axiata, Cargills (Ceylon) සහ RIL Property යන සමාගම් අද ASPI දර්ශකයට ප්‍රධාන වශයෙන් ඍණාත්මක බලපෑමක් එල්ල කළේය.

Melstacorp කොටසක් රුපියල් 186.00ක් දක්වා සියයට 1.85කින්ද, Dialog Axiata කොටසක් රුපියල් 47.90ක් දක්වා සියයට 1.24කින්ද පහළ ගොස් තිබේ.

Cargills (Ceylon) කොටසක් රුපියල් 675.00ක් දක්වා සියයට 2.00කින් පහළ ගිය අතර, RIL Property කොටසක් රුපියල් 24.10ක් දක්වා සියයට 3.21කින් පහළ ගියේය.

පොලිස් නිලධාරීන් 1050 ට ආසන්න පිරිසක් ඉදිරිපත් කළ පෙත්සම් 40 ක් ශ්‍රේෂ්ඨාධිකරණය නිෂ්ප්‍රභ කරයි - හේතුව මෙන්න

බැංකු අංශයෙන් වැඩිම පිරිවැටුම අද

වෙළෙඳපොළේ සමස්ත පිරිවැටුම රුපියල් බිලියන 1.45ක් ලෙස සටහන් වූ අතර, ඉන් වැඩිම දායකත්වය ලබාදී ඇත්තේ බැංකු අංශයයි. බැංකු අංශයේ පිරිවැටුම රුපියල් මිලියන 600.63ක් ලෙස වාර්තා වී තිබේ.

මේ අතර, Senthilverl Holdings සමාගම Almas Equities හරහා සැප්තැම්බර් 9 වැනිදා Sarvodaya Development Finance සමාගමේ කොටස් 750,000ක් කොටසක් රුපියල් 39.70ත් 41.00ත් අතර මිලකට මිලදී ගෙන තිබේ.

එම මිලදී ගැනීමත් සමඟ එම සමාගමේ Sarvodaya Development Finance කොටස් හිමිකාරීත්වය කොටස් 14,633,597ක සිට 15,383,597ක් දක්වා ඉහළ ගොස් ඇත.

ඒ අනුව එහි හිමිකාරීත්වය සියයට 9.78 සිට සියයට 10.28ක් දක්වා වැඩි වී ඇති අතර, ශ්‍රී ලංකාවේ Take-Overs & Mergers Code හි 36 වැනි වගන්තිය යටතේ හෙළිදරව් කිරීමක් අවශ්‍ය වන සියයට 10 සීමාවද ඉක්මවා තිබේ.

අද ගනුදෙනු අතරතුර Sarvodaya Development Finance කොටසක් රුපියල් 39.60කට ගනුදෙනු වූ අතර, එය සියයට 3.41ක පහළ යාමකි.

එල් නිනෝ දරුණු වන මාස ඇමති හෙළිකරයි - “නළ ළිං ආයෙත් ගෙන්න වෙයි”