රොබෝ තාක්ෂණයෙන් චීනය ලෝකයේ නව කර්මාන්ත බලය අල්ලන හැටි මෙන්න

“Made in China” යන සංකල්පයෙන් “Created in China” යන නවෝත්පාදන මට්ටම වෙත චීනය ගමන් කරමින් සිටින බව එරට කාර්මික පරිවර්තනය පිළිබඳ විශ්ලේෂණයකින් පෙන්වා දෙයි.

දශක ගණනාවක් පුරා අඩු වියදම් නිෂ්පාදන සහ විශාල නිෂ්පාදන ධාරිතාව හේතුවෙන් චීනය “ලෝකයේ කර්මාන්ත ශාලාව” ලෙස හැඳින්වූ අතර, මේ වනවිට එහි තරඟකාරීත්වය තාක්ෂණය, නවෝත්පාදනය සහ උසස් නිෂ්පාදන ක්‍රමවේද මත නැවත ගොඩනැගෙමින් පවතී.

චීනයේ යැංසි ගංගා ඩෙල්ටා කලාපය සහ ගුවාංඩොං–හොංකොං–මැකාවු මහා බොක්ක කලාපය වැනි ප්‍රධාන කාර්මික මධ්‍යස්ථානවල රොබෝ යන්ත්‍ර මගින් රොබෝ යන්ත්‍ර නිෂ්පාදනය කිරීම දක්වා කර්මාන්ත ක්‍රියාවලීන් දියුණු වී ඇත.

චීනයට කඩා වැදුණු බාවි කුණාටුව නිසා මිලියන ගණනක් ඉවත් කරයි

කර්මාන්ත හා තොරතුරු තාක්ෂණ අමාත්‍යාංශයේ (MIIT) දත්ත අනුව, 2025 වනවිට ලෝකයේ ස්ථාපිත කාර්මික රොබෝ යන්ත්‍ර සංඛ්‍යාවෙන් අඩකට වැඩි ප්‍රමාණයක් චීනය සතු විය. චීනයේ කාර්මික වර්ධනයට බලපාන ප්‍රධාන සාධක ලෙස තාක්ෂණික ආයෝජන, පුහුණු මානව සම්පත්, යටිතල පහසුකම් සහ කර්මාන්ත අතර සම්බන්ධීකරණය හඳුනාගෙන ඇත.

එක්සත් ජාතීන්ගේ කාර්මික වර්ගීකරණයට අනුව, ප්‍රධාන කර්මාන්ත අංශ 41ක්, කර්මාන්ත කාණ්ඩ 207ක් සහ උප කාණ්ඩ 666ක් ඇතුළත් සම්පූර්ණ කාර්මික පද්ධතියක් පවතින ලොව එකම රට චීනය බව සඳහන් වේ. චීනයේ පර්යේෂණ හා සංවර්ධන ක්ෂේත්‍රයට ව්‍යාපාරික ආයතන ප්‍රධාන දායකත්වයක් ලබාදෙන අතර, එරට සමස්ත පර්යේෂණ හා සංවර්ධන වියදම්වලින් සියයට 77කට වැඩි ප්‍රමාණයක් සමාගම් මගින් දරනු ලබයි.

කෘත්‍රිම බුද්ධිය (AI) ක්ෂේත්‍රයේද චීනය වේගවත් වර්ධනයක් පෙන්නුම් කරයි. 2025දී එරට AI කර්මාන්තයේ වටිනාකම යුවාන් ට්‍රිලියන 1.2ක් (ඇමරිකානු ඩොලර් බිලියන 167ක් පමණ) ඉක්මවා ගොස් ඇති අතර, එම ක්ෂේත්‍රයේ සමාගම් 6,200කට වැඩි සංඛ්‍යාවක් ක්‍රියාත්මක වේ.

විදේශ ආයෝජන ක්ෂේත්‍රයේද චීනයේ තාක්ෂණික ආකර්ෂණය ඉහළ ගොස් තිබේ. 2026 මාර්තු වනවිට බීජිං නගරයේ විදේශ ආයෝජන සහිත පර්යේෂණ හා සංවර්ධන මධ්‍යස්ථාන 332ක් සහ ෂැංහයි නගරයේ එවැනි මධ්‍යස්ථාන 647ක් පැවති බව චීන වාණිජ අමාත්‍යාංශ දත්ත පෙන්වා දෙයි.

''දකුණු චීන මුහුද ගැන විනිශ්චය කිරීමේ අයිතියක් නැහැ'' - ජපානයට චිනයෙන් රතු එළියක්