ස්පාඤ්ඤය සහ මොරොක්කෝ දේශසීමාවේ දැවැන්ත ඛේදනීය අර්බුදයක් - මරණ සංඛ්‍යාව 67 දක්වා ඉහළට

ස්පාඤ්ඤය සහ මොරොක්කෝව අතර පිහිටි සියුටා දේශසීමාවේ ඇති වූ සංක්‍රමණික අර්බුදයෙන් මියගිය පුද්ගලයින් සංඛ්‍යාව 67 දක්වා ඉහළ ගොස් ඇති බව ස්පාඤ්ඤ රජය සෙනසුරාදා නිවේදනය කළේය.

මියගිය පිරිස අතර දියේ ගිලී ජීවිතක්ෂයට පත් වූවන් මෙන්ම දේශසීමා බාධකය තරණය කිරීමට උත්සාහ කිරීමේදී ඇති වූ තෙරපීමකින් මියගිය පුද්ගලයින් ද සිටින බව වාර්තා වේ. බ්‍රහස්පතින්දා සහ සිකුරාදා අතර කාලය තුළ සංක්‍රමණිකයන් 60,000කට ආසන්න පිරිසක් සියුටා දේශසීමාව හරහා ඇතුළු වීමට උත්සාහ කිරීමෙන් පසු, මුහුදු මාර්ගය ඔස්සේ මීටර් 500ක් දිග බහාලුම් බාධකයක් ස්ථාපනය කරන බව ස්පාඤ්ඤ බලධාරීන් නිවේදනය කර ඇත.

Food Loversලාට සුපිරි ආරංචියක්! සංගීතයයි රසවත් කෑමයි එක්ක රාත්‍රියක් ගත කරන්න ඔබත් ලෑස්තිද?

සෙනසුරාදා උදෑසන සියුටාහි ටරාජල් වෙරළට පිහිනා පැමිණි වෙහෙසට පත් සංක්‍රමණිකයන් කිහිපදෙනෙකු ස්පාඤ්ඤ හමුදා විසින් යළි මොරොක්කෝව වෙත රැගෙන ගිය අතර, දේශසීමාව හරහා ඇතුළු වූ බහුතරයක් මේ වන විටත් ආපසු යවා ඇති බව ස්පාඤ්ඤ අභ්‍යන්තර කටයුතු අමාත්‍යාංශය පවසයි.

දින කිහිපයක් පුරා පැවති නොසන්සුන්තාවයෙන් පසු සියුටා නගරයේ තත්ත්වය යම්තාක් දුරට සන්සුන් වී තිබුණද, 84,000ක පමණ ජනගහනයක් වෙසෙන එම නගරයේ වැසියන් තවමත් අනාරක්ෂිත බවක් දැනෙන බව සඳහන් වේ. “

''දේශසීමා අර්බුදය හේතුවෙන් නගරයේ දෛනික ජීවිතය දැඩි ලෙස අඩාල වී තිබෙනවා. සංක්‍රමණිකයන් ආපසු යැවීම ආරම්භ වී තිබුණත්, නගරය තවමත් සාමාන්‍ය තත්ත්වයට පත් වී නැහැ,” යැයි සියුටා ජනාධිපති ජුවාන් ජේසුස් විවාස් ප්‍රකාශ කළේය.

කෙසේ වෙතත්, සමහර සංක්‍රමණිකයන් සියුටා නගරයෙන් ඉවත් වීම ප්‍රතික්ෂේප කරමින් එහි රැඳී සිටිති.

ඔවුන් අතර 23 හැවිරිදි මොරොක්කෝ ජාතික මොහොමඩ් හත්‍රි ද සිටී. “අපේ රටට ආපසු යාමට බල කිරීම සඳහා සියල්ල වසා දමා තිබෙනවා. ඒත් අපි බඩගිනි වුණත් මෙතැනින් යන්න සූදානම් නැහැ,” යැයි ජනාධිපති ජුවාන් පැවසීය.