මෙරට නිල විදේශ සංචිත වත්කම් පහලට.- එම සංචිත ගැන එළියට ආ මහා බැංකු වාර්තාව මෙන්න.
Wayomi
ශ්‍රී ලංකා මහ බැංකුව විසින් නිකුත් කර ඇති නවතම දත්ත වාර්තාවලට අනුව මහ බැංකුව සතු නිල විදේශ සංචිත වත්කම් ප්‍රමාණය පසුගිය 2024 ජූලි මාසයේ දී ඉතා සුළු වශයෙන් පහළ ගොස් තිබෙනවා.
ඒ අනුව 2024 ජූනි මාසයේ දී එක්සත් ජනපද ඩොලර් මිලියන 5,654 ක් ලෙසින් සටහන් වූ නිල සංචිත වත්කම් වටිනාකම 2024 ජූලි මාසයේ දී ඩොලර් මිලියන 5,649 ක් දක්වා 0.1% කින් අඩු වී ඇත.
නිල සංචිත වත්කම් තුළ අන්තර්ගත ප්‍රධාන සංරචකය වන විදේශ විනිමය සංචිතය පසුගිය ජූලි මාසය අවසානයේ දී ඩොලර් මිලියන 5,574 ක් ලෙසින් සටහන් විය.
ඒ, අනුව මෙය 2024 ජූනි මාසයේ දී වාර්තා වී ඇති ඩොලර් මිලිය 5,605 ට වඩා 0.6% ක අඩු වීමකි.
මේ අතර ශ්‍රී ලංකා මහ බැංකුව සතු රන් සංචිතය පසුගිය ජූලි මාසය තුළ දී ඩොලර් මිලියන 35 සිට ඩොලර් මිලියන 37 ක් දක්වා 5.2%කින් ඉහළ ගොස් තිබීමව විශේෂත්වයකි.
මෙම නිල සංචිත වත්කම් තුළ එක්සත් ජනපද ඩොලර් බිලියන 1.4කට පමණ සමාන වූ චීන මහජන බැංකුවෙන් ලද විදේශ විනිමය හුවමාරු පහසුකමෙහි ලැබීම් අන්තර්ගත වන අතර, එය භාවිතා කිරීමේ දී කොන්දේසිවලට යටත් වන බව ශ්‍රී ලංකා මහ බැංකුව වැඩිදුරටත් පවසනවා.
