NDB වංචා කතාව උණුසුම් වෙයි - මහ බැංකුවෙන් අලුත් නිවේදනයක්

ශ්‍රී ලංකා මහ බැංකුව පවසන්නේ මෑතකදී අනාවරණය වූ අභ්‍යන්තර වංචා සිද්ධියක් සම්බන්ධයෙන් ජාතික සංවර්ධන බැංකුවේ (NDB) වර්ධනයන් සමීපව නිරීක්ෂණය කරමින් සිටින බවයි.

මහ බැංකුව අවධාරණය කරන්නේ පාරිභෝගික තැන්පතු සුරක්ෂිතව පවතින බවයි.

අප්‍රේල් 10 වනදා නිකුත් කළ නිවේදනයකින් මහ බැංකුව සඳහන් කළේ මෙතෙක් සිදු කළ තක්සේරු අනුව NDB බැංකුව අවම නියාමන අවශ්‍යතා ඉක්මවා යන ප්‍රාග්ධන සහ ද්‍රවශීලතා මට්ටම් සමඟ අඛණ්ඩව ක්‍රියාත්මක වන බවයි. එමෙන්ම මෙම සිද්ධිය පාරිභෝගික ගිණුම්වලට හෝ තැන්පතු වලට කිසිදු බලපෑමක් සිදු කර නොමැති බවද මහ බැංකුව පැවසීය.

NDB බැංකු වංචා චෝදනා - රජයේ මුදල් පිළිබඳ කාරක සභාව මහබැංකුවෙන් කරුණු විමසයි

බැංකුව සහ අදාළ පාර්ශ්වකරුවන් සමඟ නිරන්තර සම්බන්ධතාවක් පවත්වාගෙන යන බවත්, අවශ්‍ය වුවහොත් බැංකුවේ ස්ථායීතාවය සහ තැන්පත්කරුවන්ගේ ආරක්ෂාව සඳහා අවශ්‍ය පියවර ගැනීමට සූදානම් බවත් මහ බැංකුව වැඩිදුරටත් සඳහන් කළේය.

මේ අතර NDB බැංකුව පවසා ඇත්තේ ඇතැම් සේවකයින් සම්බන්ධ අභ්‍යන්තර වංචාවක් අනාවරණය වී ඇති අතර, එහි ඇස්තමේන්තුගත වටිනාකම රුපියල් බිලියන 13.2ක් පමණ වන බවයි. එමඟින් ගනුදෙනුකරුවන්ගේ ශේෂයන්ට කිසිදු බලපෑමක් නොමැති අතර බැංකු මෙහෙයුම් සාමාන්‍ය ලෙස සිදු වන බවද බැංකුව අවධාරණය කරයි. 

ප්‍රසිද්ධ බැංකුවකින් පාරිභෝගිකයන්ට විශේෂ නිවේදනයක් - බැංකුවේ කළමනාකරුවෙක් ඇතුළු පුද්ගලයින් කිහිප දෙනෙකු අත්අඩංගුවට

මෙහෙම දැක්කොත් වීඩියෝ කරලා එවන්න - පොලීසියෙන් රටටම දැනුම්දීමක්