ලෝක ශූර බ්‍රසීලය සුපිරි ජයක් සමගින් තිස් දෙවෙනි වටයට - නේමාර් යලිත් එක්වෙයි

විනීසියස් ජූනියර් රැස් කළ ද්විත්ව ගෝල හමුවේ ස්කොට්ලන්තය ගෝල 3-0කින් පරාජය කළ බ්‍රසීලය 2026 ලෝක කුසලාන පාපන්දු තරගාවලියේ ‘C’ කාණ්ඩයේ ශූරයන් ලෙස අවසන් 32 දෙනාගේ වටයට සුදුසුකම් ලබා ගත්තේය.

තරගයේ 7 වැනි මිනිත්තුවේදී බ්‍රසීලයට පෙරමුණ ලබා දුන් විනීසියස් ජූනියර්, පළමු අර්ධයේ අතිරේක කාලයේදී සිය දෙවැනි ගෝලයද වාර්තා කළේය. අනතුරුව දෙවැනි අර්ධයේ 60 වැනි මිනිත්තුවේදී මැතිව්ස් කුන්හා ලබාගත් ගෝලයත් සමඟ බ්‍රසීලය සිය ජයග්‍රහණය තහවුරු කළේය.

2026 ලෝක කුසලානයේ Golden Boot සටන ගිනියම් වෙයි - තරඟ දෙකකදි මෙසී ඉදිරියෙන්

මෙම තරගාවලියේදී බ්‍රසීලය ක්‍රීඩා කළ කාණ්ඩ තරග තුනේදීම ගෝල වාර්තා කළ විනීසියස්, මේ වන විට ගෝල 4ක් රැස් කරමින් ප්‍රංශයේ කිලියන් එම්බාපේ සහ නෝර්වේයේ අර්ලින් හාලන්ඩ් සමඟ සම තත්ත්වයක පසුවෙයි.

ඔහුට ඉදිරියෙන් සිටින්නේ ආර්ජන්ටිනාවේ ලයනල් මෙසී පමණි. මෙම ජයග්‍රහණයත් සමඟ බ්‍රසීලය අඛණ්ඩව 15 වැනි වරටත් ලෝක කුසලාන තරගාවලියේ පිළිමළුන් පිටුදැකීමේ වටයට පිවිසීමට සමත් විය.

පස් වතාවක් ලෝක ශූරයන් වූ බ්‍රසීලය මේ වන විට ලෝක කුසලාන ඉතිහාසයේ වැඩිම ශූරතා දිනාගත් කණ්ඩායම ලෙසද ඉදිරියෙන් සිටී.

ආබාධයක් හේතුවෙන් බ්‍රසීලයේ පළමු තරග දෙක අහිමි වූ නේමාර්, තරගයේ 76 වැනි මිනිත්තුවේදී ආදේශක ක්‍රීඩකයෙකු ලෙස පිටියට පිවිසියේය. ඔහුගේ පැමිණීමත් සමඟ ක්‍රීඩාංගණයේ සිටි බ්‍රසීල ප්‍රේක්ෂකයන් අතර දැඩි උද්යෝගයක් දක්නට ලැබිණි.

ජාත්‍යන්තර තරග 130කදී ගෝල 79ක් රැස් කර ඇති නේමාර්, බ්‍රසීල ඉතිහාසයේ වැඩිම ගෝල ලාභියා ලෙස වාර්තා අතර රැඳී සිටී.

එවාගේම 1998 වසරෙන් පසු පළමු වරට ලෝක කුසලානයට එක් වූ ස්කොට්ලන්තය මෙම තරගාවලියේදී කැපී පෙනෙන දස්කම් දැක්වුවද, කාණ්ඩ වටයෙන් ඉදිරියට යාමට අසමත් විය. ඔවුන්ගේ ප්‍රසිද්ධ “ටාර්ටන් ආර්මි” ප්‍රේක්ෂකයන් තරගාවලිය පුරාම උද්යෝගිමත් වාතාවරණයක් නිර්මාණය කිරීමට සමත් වූහ.

බිහිසුණු ගින්නක් - වැල්ලවාය උක් වගා බිමේ විශාල ගින්නක් - කවුරුන් හෝ ගිනි තැබූ බව සැකයක්