"චෙම්මනි විතරක් නෙමෙයි රටපුරාම සමූහ මිනීවළවල්" ඇමති බිමල්ගේ ආන්දෝලනාත්මක ප්‍රකාශයක්

චෙම්මනි මිනී වළ සම්බන්ධයෙන් වගකිව යුතු පුද්ගලයන් සමඟ එක්ව, යාපනය නගර සභාවේ බලය ලබාගත් අන්ත ජාතිවාදීන් දැන් තම දේශපාලන අභිවෘද්ධිය රැක ගැනීම සඳහා සිදුවීම් සොයමින් සිටින බව සභානායක බිමල් රත්නායක මහතා අද (05) පාර්ලිමේන්තුවේදී පවසා ඇත.

සුභ ආරංචියක් රාජ්‍ය සේවක වැටුප් ඉහළට රු. කෝටි 11,000ක් වෙන් කරයි

මෙම අදහස් ඔහු පළ කළේ, සමස්ත ලංකා ද්‍රවිඩ සන්ධානයේ පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම් මහතා චෙම්මනි මිනී වළ පිළිබඳව ඉදිරිපත් කළ ප්‍රශ්නයකට පිළිතුරු ලබාදෙමින්ය. “චෙම්මනි පරීක්ෂණය මේ වන විට රජය විසින් විධිමත්, ස්වාධීන සහ පුළුල් ආකාරයෙන් සිදු කරමින් සිටිනවා.

ඔයාලත් ලොතරැයි ගන්නවද? ලොතරැයි ගැන තිත්ත ඇත්තක් පාර්ලිමේන්තුවේදී හෙළිවෙයි

මෙය ජාතිවාදීන් විසින් නොව ජනතාවාදී ආණ්ඩුවක් විසින්ම කරනු ලබන කටයුත්තක්. අද යාපනය නගර සභාවේ බලය ලබාගෙන සිටින පුද්ගලයන්ගෙන් සමහර අය, චෙම්මනි මිනී වළ සම්බන්ධයෙන් වගකිව යුතු කල්ලියෙහි සාමාජිකයින්” යැයිද ඔහු අවධාරණය කළේය.

අත්අඩංගුවට ගන්න කලින්ම ඇප ඉල්ලන දේශබන්දු - අධිකරණ තීරණය මෙන්න

ඔහු තවදුරටත් පෙන්වා දුන්නේ, උතුරු පළාතේ විශාලතම ඡන්දය ජනතා විමුක්ති පෙරමුණ (ජවිපෙ) ලබාගෙන ඇති බවත්, ගජේන්ද්‍ර කුමාර් පොන්නම්බලම් මන්ත්‍රීවරයාගේ අදහස වන්නේ දේශපාලන වාසි සඳහා සිදුවීම් සෙවීම බවත්ය.

ගුරුවරුන්ට ලක්ෂ එකහමාරක පඩියක් - රටේ ඉහළම වැටුප ගුරුවරුන්ට

ඒ අමතරව, එක්සත් ජාතීන්ගේ මානව හිමිකම් කොමසාරිස්වරයා වූ වෝල්කර් ටර්ක් මහතාගේ ශ්‍රී ලංකා සංචාරය අවසන් වූ අවස්ථාවේදී රජය විසින් ඉල්ලා තිබුණේ කාබන් ඩේටින් පරීක්ෂණ සඳහා අවශ්‍ය උපකරණ සහිත රසායනාගාරයක් ලබාදෙන ලෙස බවත් ඔහු පැවසීය.

“චෙම්මනි පමණක් නොව, මාතලේ, මන්නාරම, තිරුකේතීශ්වරම්, මණ්ඩතිව් සහ කොක්කුතුඩුවාය වැනි ස්ථානවලද මිනී වළ තිබුණා. නමුත් ඒවා පිළිබඳ කවරෙකුවත් අද කතා නොකරයි. මම මේ සියලුම ස්ථානවලට ගොස් තිබෙනවා. ඒ නිසා මට පැහැදිලිව පෙනෙනවා, ජාතික සමගිය ඇති ආණ්ඩුවක් බලයට පැමිණීම අන්ත ජාතිවාදීන්ට ඇති විශාලම ගැටලුවයි. ඔවුන් දැන් දේශපාලන වශයෙන් අහිමිවී තිබෙනවා” යැයිද ඔහු පැවසීය.

අවසන ලෙස ඔහු ප්‍රශ්න කළේ, “ජාතිවාදය ගැන කතා කිරීමෙන් කිසිදු ප්‍රයෝජනයක් නැහැ. ඒවාට ජනතාව දැන් කන් නොදෙයි. එහෙත් මම අසන්න කැමතියි මිරුසුවිල්හිදී දරුවන් ඝාතනය කර ඔවුන්ගේ දේහවල් ළිඳකට දමන ලද පුද්ගලයන් සමඟ එකතුවී යාපනය නගර සභාවේ බලය ලබාගන්නේ කෙසේද?” යන්නයි.