ඕස්ට්‍රේලියානු පොලිස් ඝාතන සැකකරු වෙඩි ප්‍රහාරයෙන් මරුට

මාස හතකට පෙර දුරස්ථ වනාන්තර ප්‍රදේශයකදී පොලිස් නිලධාරීන් දෙදෙනෙකු ඝාතනය කර තවත් නිලධාරියෙකුට බරපතල තුවාල සිදු කළ බවට චෝදනා එල්ල වූ සැකකරුවෙකු අද පොලිසිය විසින් වෙඩි තබා මරණයට පත් කර ඇති බව ඕස්ට්‍රේලියානු පොලිසිය පවසයි.

මෙම සිද්ධියට අදාළව 56 හැවිරිදි Desi Freeman යන පුද්ගලයා සම්බන්ධයෙන් පසුගිය වසරේ අගෝස්තු 26 දින Victoria ප්‍රාන්තයේ පෝරෙපුන්කා අසල ඔහුගේ නිවසට වරෙන්තුවක් ක්‍රියාත්මක කිරීමට පැමිණි පොලිස් නිලධාරීන්ට වෙඩි තැබූ බවට චෝදනා එල්ල වී තිබුණි.

පොලිස් ප්‍රකාශයකට අනුව, ඔහු යැයි සැක කරන පුද්ගලයෙකු පෝරෙපුන්කා නගරයට උතුරින් පිහිටි තොලොගොලොං ප්‍රදේශයේ දුරස්ථ ස්ථානයකදී පොලිසිය විසින් මාරාන්තික ලෙස වෙඩි තබා ඇත.

ඉන්ධන මිල ගැන නැවතත් රතු එළි - ඉන්ධන රු 140 සිට 200 දක්වා වැඩි කිරීමට ඉල්ලන බව ප්‍රසන්න කියයි

කෙසේ වෙතත්, ඔහුගේ අනන්‍යතාවය තහවුරු කිරීම සඳහා ඇඟිලි සලකුණු ඇතුළු විධිමත් ක්‍රියාවලියක් සිදුකරමින් සිටින බව සඳහන් වේ.

Mike Bush පැවසුවේ, සැකකරු අත්අඩංගුවට ගැනීමට පෙර විශේෂ මෙහෙයුම් කණ්ඩායම පැය තුනක් පමණ ගැටුමක නිරත වූ බවයි.

සැකකරු කන්ටේනරයක් වැනි නවාතැනක සිටි අතර, පොලිසියට යටත් වීමට කළ ඉල්ලීම්වලට ඔහු ප්‍රතිචාර දක්වා නොමැති බව ද සඳහන් කෙරිණි. පොලිසිය පෙන්වා දෙන්නේ, සැකකරු ආයුධ සන්නද්ධව සිටි බවට දැඩි සැකයක් පවතින බවත්, ඔහු පොලිසියට වෙඩි තැබූ ද නැද්ද යන්න පිළිබඳ තොරතුරු තවදුරටත් තහවුරු කරමින් සිටින බවත්ය.

මෙම සිද්ධියට අනුව, වික්ටෝරියා ප්‍රාන්තයේ වනාන්තර කලාපය පුරා විශාල සෝදිසි මෙහෙයුමක් ආරම්භ කර තිබූ අතර, සැකකරු වනාන්තරයේ දිවි ගලවා ගැනීමේ හැකියාව ඇති පුද්ගලයෙකු බවටද වාර්තා විය. තවද, සැකකරු අත්අඩංගුවට ගැනීමෙන් වැළැක්වීමට වෙනත් පුද්ගලයන්ගේ සහාය ලැබී ඇත්දැයි සොයා බැලීම සඳහාද පොලිසිය විසින් විමර්ශන සිදුකරමින් සිටී. 

රත්නපුර වෙළඳසැලක හදිසි ගින්නක් – හමුදාවත් එක්ව පාලනය කරයි