Apple සමාගමෙන් නිවසම වෙනස් කරන නවතම ගැජට් එක එයි - 'HomeView' ස්මාර්ට් උපාංගය මෙන්න

Apple සමාගම අද (13) නවතම ස්මාර්ට් හෝම් හබ් උපාංගයක් වන ‘HomeView’ හඳුන්වා දුන්නේය. නිවසේ සියලු දෙනාටම පුද්ගලීකරණය කළ අත්දැකීමක් ලබා දීම සහ නිවසේ ප්‍රධාන පාලන මධ්‍යස්ථානයක් ලෙස ක්‍රියා කිරීම අරමුණු කරගනිමින් මෙම උපාංගය නිර්මාණය කර ඇත.

අඟල් 7ක Liquid Retina තිරයකින් සමන්විත HomeView, සංගීතයට සවන් දීම, FaceTime වීඩියෝ ඇමතුම් ලබා ගැනීම, නිවස නිරීක්ෂණය කිරීම සහ හෑන්ඩ්ස්-ෆ්‍රී හඬ පාලනය ඇතුළු පහසුකම් රැසක් සපයයි.

පෞද්ගලිකත්වය හා ආරක්ෂාව පිළිබඳ විශේෂ අවධානයක් යොමු කර ඇති මෙම උපාංගය, විනෝදාස්වාදය, සන්නිවේදනය සහ ස්මාර්ට් නිවාස කළමනාකරණය එකම පද්ධතියක් තුළ ඒකාබද්ධ කරයි.

පරිශීලකයන් හය දෙනෙකු දක්වා මුහුණු හඳුනාගැනීමේ තාක්ෂණය ඔස්සේ හඳුනාගැනීමට HomeView සමත් වේ. ඒ අනුව, Messages, FaceTime, Calendar, Reminders සහ Find My වැනි යෙදුම්වල අදාළ පුද්ගලයාට විශේෂිත වූ තොරතුරු හා අන්තර්ගතයන් වෙත ප්‍රවේශ වීමේ හැකියාව හිමි වේ.

Apple Intelligence සහ සමාගමේ උසස් Apple silicon තාක්ෂණයෙන් බලගැන්වෙන මෙම උපාංගය, වැඩිදියුණු කළ Siri AI සහායකයෙකුගෙන් ද සමන්විත වේ.

 පුළුල් දැනුම් පරාසයක්, වඩාත් දියුණු සංගීත නිර්දේශ සහ තිරය මත දිස්වන අන්තර්ගතය හඳුනාගෙන ඒ අනුව ප්‍රතිචාර දැක්වීමේ හැකියාව එහි ප්‍රධාන විශේෂාංග අතරට අයත් වේ.

තවද, Apple Intelligence සඳහා සහය දක්වන iPhone හෝ iPad උපාංගයක් සමඟ සම්බන්ධ කළ විට, පරිශීලකයාගේ Calendar, Messages සහ වෙනත් යෙදුම්වල තොරතුරු ආරක්ෂිතව භාවිත කරමින් වඩාත් පුද්ගලීකරණය කළ ප්‍රතිචාර ලබා දීමට ද HomeView හට හැකියාව පවතී.

විවිධ නිවාස පරිසරයන්ට ගැළපෙන පරිදි නිර්මාණය කර ඇති HomeView, මල නොබැඳෙන වානේ සන්ධියකින් සම්බන්ධ කළ ගෝලාකාර ස්පීකර් පාදමක් සහිත මේසය මත තැබිය හැකි මාදිලියකින් මෙන්ම බිත්තියේ සවි කළ හැකි මාදිලියකින් ද ලබාගත හැකිය. HomeView සඳහා පෙර ඇණවුම් අද (13) සිට ආරම්භ වන අතර, නොවැම්බර් 13 වැනිදා සිට ඇමෙරිකානු ඩොලර් 299ක ආරම්භක මිලකට වෙළෙඳපොළට නිකුත් කිරීමට නියමිතය.

මැදපෙරදිග යුද්ධය අස්සේ තෙල් මිල අහස උසට යද්දී ලංකාවේ රජය ගත්ත හදිසි තීරණය මෙන්න

අවමංගල්‍යය මැද මිනී පෙට්ටියේ පියන ඇරගෙන 15 හැවිරිදි දැරිය නැගිටියි- ලෝකයම හොල්මන් කළ අදහාගත නොහැකි ආශ්චර්යය