ට්රම්ප්ගෙන් තවත් 100% ක තීරු බද්දක්
විදෙස් රටවල නිෂ්පාදනය කරන ලද චිත්රපට සඳහා 100% ක තීරු බද්දක් පැනවීමට කටයුතු කරන බව අමෙරිකානු ජනාධිපති ඩොනල්ඩ් ට්රම්ප් පවසනවා.
ඉතා වේගයෙන් කඩා වැටෙමින් පවතින අමෙරිකාවේ චිත්රපට කර්මාන්තය ඉහළ නැංවීමට අවශ්ය සහයෝගය පළ කිරීමක් ලෙස වෙනත් රටවල නිෂ්පාදනය කරන චිත්රපට සඳහා මෙසේ තීරු බදු ඉහළ දැමීමට තීරණය කර ඇති බවයි විදෙස් මාධ්ය වාර්තා කරන්නේ.
ඇමරිකා එක්සත් ජනපදයේ චිත්රපට නිෂ්පාදන ව්යාපාරය බිළිඳෙකුගෙන් රසකැවිලි සොරකම් කරන්නාක් මෙන්, වෙනත් රටවල් විසින් සොරකම් කර ඇති බවයි අමෙරිකානු ජනාධිපතිවරයා පෙන්වා දෙන්නේ.
කැලිෆෝනියාවේ එහි දුර්වල සහ අකාර්යක්ෂම ආණ්ඩුකාරයා සමඟ විශේෂයෙන් එය දැඩි ලෙස බලපා ඇති බවයි අමෙරිකානු ජනාධිපති ඩොනල්ඩ් ට්රම්ප් වැඩිදුරටත් සඳහන් කරන්නේ.
