UNESCO එකෙන් පිටවූ අමෙරිකාව – ජාත්‍යන්තර හවුල්කමට තවත් බිඳවැටීමක්?

එක්සත් ජනපදය, එක්සත් ජාතීන්ගේ අධ්‍යාපනික, විද්‍යාත්මක හා සංස්කෘතික සංවිධානය (UNESCO) හි සාමාජිකත්වයෙන් ඉවත් වන බව අද (22) නිවේදනය කර ඇත.

විදෙස් මාධ්‍ය වාර්තාවලට අනුව, යුනෙස්කෝ සංවිධානය ඊශ්‍රායලයට පක්ෂග්‍රාහී ලෙස කටයුතු කිරීම සහ බෙදුම්වාදී තත්ත්වයන් ප්‍රවර්ධනය කිරීම හේතුවෙන් එක්සත් ජනපදය මෙම තීරණය ගත් බව දැනුම් දී ඇත.

එලෝන් මස්කෙගේ මොළේ තමයි මොළේ, ටෙස්ලා එකෙන් කාර් විකුණනවා මදිවට ‍රෑ කෑමත් විකුණන්න පටන් අරන්

එක්සත් ජනපද රාජ්‍ය දෙපාර්තමේන්තුවේ ප්‍රකාශිකා ටැමී බෲස් මහත්මිය පවසා ඇත්තේ, යුනෙස්කෝවේ අඛණ්ඩ මැදිහත්වීම් එක්සත් ජනපදයේ ජාතික අවශ්‍යතාවලට ගැලපෙන්නේ නැති බවයි.

මෙම ඉවත්වීම ජනාධිපති ඩොනල්ඩ් ට්‍රම්ප්ගේ පාලන සමයේ අපේක්ෂිත පියවරක් වන අතර, 2017 වසරේදී ඔහුගේ පළමු ධුර කාලය තුළදීද යුනෙස්කෝ සාමාජිකත්වයෙන් ඉවත් වීමට එක්සත් ජනපදය තීරණය කළේය. කෙසේ වෙතත්, 2021 වසරේදී ජනාධිපති ජෝ බයිඩන්ගේ පාලන සමයේදී එම සාමාජිකත්වය නැවත ස්ථාපනය කිරීමට කටයුතු කරන ලදී.

පාසල් වේලාවන් ගැන විශේෂ නිවේදනයක්

මෙවර ඉවත්වීමත් සමඟ, එක්සත් ජනපදයේ යුනෙස්කෝ සම්බන්ධතාවයේ තවත් වැදගත් හැරවුම් ලක්ෂයක් සනිටුහන් වන අතර, මෙම තීරණය ජාත්‍යන්තර සංස්කෘතික හා අධ්‍යාපනික සහයෝගිතාවලට බලපෑමක් ඇති කරනු ඇතැයි අපේක්ෂා කෙරේ.

අගරදගුරු ගැන බොරු කී බිමල් අත්අඩංගුවට.. - රහස් පොලිසිය ක්‍රියාත්මක වෙයි