බොලිවුඩය හොල්ලපු සුපිරි නළු අමිතාබ් බච්චන්ගේ 84 වැනි උපන්දිනය වෙනුවෙන් ලේලිය අයිශ්වර්යා රායිගෙන් ආදරණීය සුබපැතුමක්

බොලිවුඩ් සිනමාවේ මහගෙදර ලෙස සැලකෙන සුපිරි නළු අමිතාබ් බච්චන් මහතාගේ 84 වැනි උපන්දිනය නිමිත්තෙන් ඔහුගේ ලේලිය වන ප්‍රකට බොලිවුඩ් නිළි අයිශ්වර්යා රායි බච්චන් ඉරිදා රාත්‍රියේදී සමාජ මාධ්‍ය ඔස්සේ ඉතා ආදරණීය සුබපැතුමක් එක් කර තිබේ.

ඒ සඳහා ඇය සිය ඉන්ස්ටග්‍රෑම් ගිණුමට එක් කර තිබුණේ අමිතාබ් බච්චන් සිය මිණිබිරිය වන ආරාධ්‍යා බච්චන් ආදරයෙන් වැළඳගෙන සිටින අතිශය සුන්දර සහ සංවේදී ඡායාරූපයකි.

අමිතාබ් බච්චන්ගේ පුත් අභිෂේක් බච්චන් සහ අයිශ්වර්යාගේ එකම දියණිය වන ආරාධ්‍යා සමඟ අමිතාබ් සිටින මෙම ඡායාරූපය මේ වන විට ජාත්‍යන්තර රසිකයන්ගේ මෙන්ම සමාජ මාධ්‍ය පරිශීලකයන්ගේ ද දැඩි අවධානයට ලක්ව ඇත.

“ආදරණීය පා-ඩඩාජි” - අයිශ්වර්යාගේ සටහන: අදාළ ඡායාරූපය සමඟ අයිශ්වර්යා රායි සටහන් කර තිබුණේ

 “සුබ උපන්දිනයක්, ආදරණීය පා-ඩඩාජි. ඔබට සැමවිටම ආදරය සහ දෙවියන් වහන්සේගේ ආශීර්වාදය ලැබේවා!” යනුවෙනි.

පසුගිය කාලය පුරාම බච්චන් පවුලේ අභ්‍යන්තර ආරවුල් සහ දික්කසාද පිළිබඳව විවිධ කටකතා ප්‍රචාරය වූ පසුබිමක, අයිශ්වර්යාගේ මෙම ආදරණීය සටහන සහ ඡායාරූපය සමාජ මාධ්‍ය ඔස්සේ වේගයෙන් ප්‍රචාරය විය. ඊට ප්‍රතිචාර දක්වමින් ලොව පුරා සිටින බොලිවුඩ් රසිකයන් රැසක් අදහස් දක්වමින් අමිතාබ් බච්චන් වෙත සිය උපන්දින සුබපැතුම් සහ ආදරය පළ කර තිබේ.

View this post on Instagram

A post shared by AishwaryaRaiBachchan (@aishwaryaraibachchan_arb)

දුවෙක්ද? පුතෙක්ද? තිසර හතරසිංහගේ ආදරණීය පවුලෙන් ලැබුණු සුබ ආරංචිය මෙන්න