ඉහළ ගිය ඉන්ධන පිරිවැය හමුවේ එයාර් ඉන්දියා ජාල කප්පාදුවකට

අඛණ්ඩ මෙහෙයුම් බාධක සහ ඉහළ ගුවන් සේවා ඉන්ධන පිරිවැය මධ්‍යයේ, 2026 මූල්‍ය වසරේදී රුපියල් කෝටි 20,000කට ආසන්න විශාල අලාභයක් වාර්තා වීමෙන් පසු, ටාටා සමූහයට අයත් එයාර් ඉන්දියා ගුවන් සේවය සිය මෙහෙයුම් සැලකිය යුතු ලෙස සංකෝචනය කිරීමට සලකා බලමින් සිටින බව කර්මාන්ත ආරංචි මාර්ග උපුටා දක්වමින් ව්‍යාපාරික මාධ්‍ය වාර්තා කරයි.

ආරංචි මාර්ග අනුව, ගුවන් සමාගම සිය දෛනික ගුවන් ගමන් කාලසටහනේ 15% සිට 20% දක්වා අඩුවීමක් තක්සේරු කරමින් සිටින අතර, එයාර් ඉන්දියා සමූහය පුරා සමස්ත කප්පාදුව 10%–15% අතර විය හැකි බවද සඳහන් වේ.

ශ්‍රී ලංකා මහ බැංකු දූත පිරිස IMF–ලෝක බැංකු රැස්වීම් අතර ආයෝජකයන් සමඟ සාකච්ඡා

මෙම සැලසුම ක්‍රියාත්මක වුවහොත්, දිනකට ක්‍රියාත්මක වන ගුවන් ගමන් 1,100කට ආසන්න සංඛ්‍යාවෙන් 100කට වැඩි ප්‍රමාණයක් බලපෑමට ලක්විය හැක. දැනට එයාර් ඉන්දියා සමාගම දිනකට දේශීය හා ජාත්‍යන්තර ගුවන් ගමන් 700කට වැඩි ප්‍රමාණයක් ක්‍රියාත්මක කරයි. එහෙත් මේ සම්බන්ධයෙන් ගුවන් සමාගම මෙතෙක් නිල ප්‍රකාශයක් නිකුත් කර නොමැත.

කර්මාන්ත විධායකයින් පෙන්වා දෙන්නේ, මෙම පියවර ඉදිරි උපරිම සංචාරක සමයේදී ගුවන් සේවා ධාරිතාව තදබදයට ලක් කරමින් ගාස්තු ඉහළ යාමටද හේතු විය හැකි බවයි.

විශේෂයෙන් ජාත්‍යන්තර ගුවන් සේවාවල දැඩි කප්පාදු සිදුවනු ඇතැයි අපේක්ෂා කෙරේ. ඉන්ධන පිරිවැය ඉහළ යාම, දිගු ගුවන් ගමන් කාල සහ කාර්ය මණ්ඩල වියදම් වැඩිවීම හේතුවෙන් විදේශ මාර්ගවල ලාභදායිතාවය අඩුවී ඇති බවද සඳහන් වේ.

යුරෝපය සහ උතුරු ඇමරිකාව යන ප්‍රධාන වෙළෙඳපොළවල සේවාවන් නැවත සැලසුම් කිරීමේදී තාවකාලික ගුවන් ගමන් අඩුකිරීම් සහ කාලසටහන් වෙනස්කම්ද සලකා බැලෙමින් පවතින බව ආරංචි මාර්ග පවසයි.

මේ අතර, මෙම ක්‍රියාවලිය ව්‍යාප්තිය අඩු කිරීමක් නොව ජාලය ප්‍රශස්ත කිරීමේ උපායමාර්ගික පියවරක් ලෙස අභ්‍යන්තරව සලකා බලන බවද වාර්තා වේ. යෝජිත කප්පාදුව සම්බන්ධ අවසන් තීරණය මැයි මස මුලදී පැවැත්වීමට නියමිත එයාර් ඉන්දියා මණ්ඩල රැස්වීමේදී ගනු ඇති බව ආරංචි මාර්ග වැඩිදුරටත් සඳහන් කරයි.

රූපවාහිනී නාලිකාවකට විමර්ශනයක් – අවසන් තීරණය අමාත්‍යංශයෙන්