නේපාලයේ ආපදා තත්ත්වයට ආසියානු සංවර්ධන බැංකුව මැදිහත් වෙයි - ADB විසින් ඩොලර් මිලියන 5ක ප්‍රදානයක් අනුමත කරයි

නේපාලයේ භෝටේකෝෂි සහ ත්‍රිශූලි ගංගා ආශ්‍රිත ප්‍රදේශවලට අගෝස්තු 26 වැනිදා බලපෑ දැවැන්ත ගංවතුර හා මඩ ගලායාම් හේතුවෙන් සිදුවූ විනාශයෙන් පසු, හදිසි ගලවාගැනීම් සහ සහන මෙහෙයුම් සඳහා ඇමරිකානු ඩොලර් මිලියන 5ක හදිසි ප්‍රදානයක් ලබාදීමට ආසියානු සංවර්ධන බැංකුව (ADB) අනුමැතිය ලබාදී තිබේ.

“මෙම ඩොලර් මිලියන 5ක ප්‍රදානය අප ලබාදුන් පොරොන්දුවක් ඉටු කිරීමක්. අපගේ සාමාජික රටවල ජනතාවට අපගේ සහාය අවශ්‍ය වූ විට අප ඔවුන් සමඟ සිටිනවා,” යනුවෙන් ADB සභාපති මසාටෝ කන්ද මහතා සඳහන් කළේය.

ගංවතුර හා මඩ ගලායාම් හේතුවෙන් රසුවා, නුවකොට් සහ ධාදිං දිස්ත්‍රික්කවල පුද්ගල මරණ, තුවාල හා ජනතාව අවතැන්වීම් රැසක් වාර්තා වී ඇති අතර, නිවාස, මාර්ග සහ අනෙකුත් යටිතල පහසුකම් මෙන්ම අත්‍යවශ්‍ය සේවාවන්ටද දැඩි හානි සිදුව තිබේ.

නේපාල රජය බලපෑමට ලක්වූ ප්‍රදේශ ආපදා අර්බුද කලාප ලෙස ප්‍රකාශයට පත් කර ඇති අතර, දැවැන්ත ගලවාගැනීමේ සහ සහන මෙහෙයුම් ක්‍රියාත්මක කරමින් සිටී.

මිස් ඇමරිකා එක්සත් ජනපද තරගාවලියේ නව පෙරළියක් - වයස් සහ විවාහක තත්ත්ව සීමා අභිබවා ගිය 31 හැවිරිදි ජස්ටස් කෙලී ජයග්‍රහණය කරයි

මේ වනවිටත් සෙවීම් හා ගලවාගැනීමේ මෙහෙයුම් මෙන්ම හානි සහ ජනතාවගේ අවශ්‍යතා තක්සේරු කිරීමේ කටයුතු අඛණ්ඩව සිදුවෙමින් පවතී. ADB හි ආසියා පැසිෆික් ආපදා ප්‍රතිචාර අරමුදල මගින් ලබාදෙන මෙම ප්‍රදානය සෙවීම් හා ගලවාගැනීමේ උපකරණ, වෛද්‍ය සැපයුම්, ආහාර, පිරිසිදු පානීය ජලය, තාවකාලික නවාතැන්, සනීපාරක්ෂක හා සෞඛ්‍ය ආරක්ෂණ ද්‍රව්‍ය, සුන්බුන් ඉවත් කිරීම, හදිසි ස්ථායීකරණ කටයුතු සහ ප්‍රවාහන හා සැපයුම් අවශ්‍යතා සඳහා යොදා ගැනීමට නියමිතය.

නේපාල රජය, ජාතික ආපදා අවදානම් අවම කිරීමේ හා කළමනාකරණ අධිකාරිය, එක්සත් ජාතීන්ගේ ආයතන සහ අනෙකුත් සංවර්ධන හවුල්කරුවන් සමඟ සමීපව කටයුතු කරමින් පවතින තත්ත්වය තක්සේරු කිරීමට සහ රටේ හදිසි ප්‍රතිචාර මෙහෙයුම් සඳහා සහාය වීමටද ADB කටයුතු කරයි.

මීට අමතරව, ආපදාවෙන් පසු අවශ්‍යතා තක්සේරු කිරීම, ප්‍රතිසාධන සැලසුම් සකස් කිරීම සහ ඉදිරි ප්‍රතිසාධන හා ප්‍රතිසංස්කරණ ආයෝජන සඳහා සූදානම් වීම වෙනුවෙන් ADB හි ආපදා ප්‍රතිචාර අරමුදලේ දෙවැනි අංශය යටතේ තවත් ඇමරිකානු ඩොලර් 150,000ක් දක්වා මුදලක් ලබාදීමට කටයුතු කරමින් සිටී.

නේපාල රජයේ ඉල්ලීම මත සිදුකෙරෙන මෙම තක්සේරුව මගින් ආපදාවෙන් සිදුවූ හානි හා පාඩු හඳුනාගෙන, බලපෑමට ලක්වූ විවිධ අංශවල අවශ්‍යතා තීරණය කර, ඉදිරි ප්‍රතිසාධන හා ප්‍රතිසංස්කරණ කටයුතු සඳහා ප්‍රමුඛතා සකස් කිරීමට සහාය වනු ඇත.

ආපදා අවදානම් අවම කිරීම, ශක්තිමත් යටිතල පහසුකම් හා ආයතනික හැකියාවන් ගොඩනැගීම සහ හදිසි ආපදා සඳහා සූදානම් වීම සඳහා ADB දිගුකාලීනව නේපාලයට සහාය ලබාදී තිබේ. හදිසි සහන මෙහෙයුම්වල සිට ඉදිරි ප්‍රතිසාධන හා ප්‍රතිසංස්කරණ කටයුතු දක්වා නේපාල රජය හා ජනතාව සමඟ අඛණ්ඩව කටයුතු කරන බවද ADB අවධාරණය කරයි.

රොබෝවරු ක්‍රීඩා පිටියට බසී - චීනයේ හියුමනොයිඩ් ක්‍රීඩා උළෙලේ අලුත්ම පෙරළිය