අගමැති මෝදි වෙනුවෙන් විශේෂ රථවාහන සැලැස්මක්

 ඉන්දීය අග්‍රාමාත්‍ය නරේන්ද්‍ර මෝදි මැතිතුමාගේ සංචාරය වෙනුවෙන් විශේෂ රථවාහන සැලැස්මක් ක්‍රියාත්මක කිරීමට කටයුතු කර තිබෙනවා.

අද(04) සවස 06.00 සිට රාත්‍රී 10.00 දක්වා කොළඹ කටුනායක අධිවේගී මාර්ගය හා බේස්ලයින් මාර්ගය අවස්ථා කිහිපයකදී වසා තැබීමට කටයුතු කරන බවයි පොලීසිය සඳහන් කළේ.

පොලිසිය වැඩිදුරටත් දන්වා සිටින්නේ මෙම කාලසීමාව තුළ කටුනායක ජාත්‍යන්තර ගුවන් තොටුපල වෙත පැමිණෙන තැනැත්තන්ට මෙම මාර්ග වසා තැබීම පිළිබඳ අවධානය යොමු කරමින් තමන්ගේ ගමන් සැලසුම් කරගන්නා ලෙසයි.

හෙට දින (05) ගාලු මුවදොර, නිදහස් චතුරස්‍රය සහ බත්තරමුල්ල අපේගම පරිශ්‍රය යන ප්‍රදේශයන්හි මාර්ග අවස්ථා කිහිපයකදී වසා තැබීමට කටයුතු කරනු ලැබේ.

රථවාහන නිලධාරීන් වෙත උපදෙස් ලබාදී ඇත්තේ මෙම කාල සීමාව තුළදී රථ වාහන තදබදය හා රියැදුරන්ට සිදුවන අපහසුතාවය අවම කර ගැනීම සඳහා රියදුරන් විකල්ප මාර්ග වෙත යොමු කිරීමට සඳහායි.

මහින්ද රාජපක්‍ෂ රෝහල්ගත කරපු කතාවේ ඇත්ත මෙන්න

06 වන දින පෙ.ව 7.30 ත් 10.30 අතර කාලයේ අනුරාධපුර නගරය, ජය ශ්‍රී මහ බෝධිය සහ දුම්රියපොල ආශ්‍රිතව ප්‍රධාන මාර්ග වරින් වර වසා තැබීමට කටයුතු කරනු ලබනවා.

රථවාහන හසුරවන නිලධාරින් විසින් එදින පූජා භූමිය වෙත පැමිණෙන බැතිමතුන්ට අපහසුතාවයකින් තොරව තම කටයුතු සිදු කර ගැනීම සඳහා විකල්ප මාර්ග වෙත යොමු කිරීම අවස්ථානුකූලව සිදු කරනු ඇත.

පොලිසිය රියදුරන් ඇතුළු මහජනතාවගෙන් කාරුණිකව ඉල්ලා සිටින්නේ ඉන්දීය අග්‍රාමාත්‍ය නරේන්ද්‍ර මෝදි මැතිතුමාගේ ශ්‍රී ලංකා සංචාරය වෙනුවෙන් ශ්‍රී ලංකා පොලිසිය විසින් ක්‍රියාත්මක කරනු ලබන මෙම විශේෂ රථ වාහන සැලැස්ම ක්‍රියාත්මක කිරීම සඳහා අවශ්‍ය සහයෝගය ලබා දෙන ලෙසයි. 

හදිසියේම වැඩබලන පොලිස්පතිවරයාගේ තටු කැපේ...