බස්නාහිර පළාත් සෞඛ්‍ය සේවා අධ්‍යක්ෂවරියට එරෙහිව අඛණ්ඩ වර්ජනයක්

බස්නාහිර පළාත් සෞඛ්‍ය සේවා අධ්‍යක්ෂවරියගේ අත්තනෝමතික ක්‍රියාකලාපයන්ට විරෝධය පළ කරමින්, බස්නාහිර පළාත් සභාවට අයත් සියලු රෝහල්වල පරිපූරක වෛද්‍ය සේවා වෘත්තිකයින් අද (21) උදෑසන 8.00 සිට අඛණ්ඩ වැඩ වර්ජනයකට එළඹීමට තීරණය කර ඇත.

මෙම තීරණය පරිපූරක වෛද්‍ය වෘත්තීයවේදීන්ගේ සංගමයේ ප්‍රධාන ලේකම් චානක ධර්මවික්‍රම මහතා විසින් ප්‍රකාශ කරන ලදී.

අගමැතිතුමියට නම් උත්තර දෙන්න එපා කියන්න නැත්තම් මේක ලොකු ප්‍රශ්නයක් වෙනවා, නාමල් ආවේස වෙයි

ඊයේ (20) ගම්පහ දිස්ත්‍රික් මහ රෝහලේ පරිපූරක වෛද්‍ය සේවා වෘත්තිකයින් විසින් සංකේත වැඩවර්ජනයක් ආරම්භ කරමින් අදාළ අධ්‍යක්ෂවරියගේ ක්‍රියාකලාපයන්ට එරෙහිව තම විරෝධය පළ කළහ.

කෙසේ වෙතත්, ඔවුන්ගේ ඉල්ලීම්වලට බලධාරින්ගෙන් සාධනීය ප්‍රතිචාර හෝ නිසි විසඳුම් නොලැබීම හේතුවෙන්, බස්නාහිර පළාත් සභාවට අයත් රෝහල් 31ක පරිපූරක වෛද්‍ය සේවා වෘත්තිකයින් අද සිට මෙම අඛණ්ඩ වර්ජන ක්‍රියාමාර්ගයට එළඹෙන බව චානක ධර්මවික්‍රම මහතා සඳහන් කළේය.

මේ ලයිසන්වල ගාණ වැඩි කරන්න තීරණයක්

මෙම වර්ජනය හේතුවෙන් බස්නාහිර පළාතේ රෝහල්වල රෝගීන්ට ලබාදෙන සෞඛ්‍ය සේවාවලට බාධා ඇතිවිය හැකි බවත්, බලධාරින් වහාම මේ සම්බන්ධයෙන් අවධානය යොමු කර ගැටලුවට විසඳුම් ලබාදිය යුතු බවත් සංගමය අවධාරණය කරයි. මෙම වර්ජනයේ ඉදිරි තත්ත්වය සහ බලධාරින්ගේ ප්‍රතිචාර පිළිබඳ තවදුරටත් තොරතුරු හෙළිදරව් වනු ඇතැයි අපේක්ෂා කෙරේ. 

අද මල් 07යි - ඔයත් ට්‍රයි කරලා බලන්න, විවාහ අපේක්ෂකයින්ට වාසනාවන්ත දිනයක්