කුඩු සල්ලි වලට බිරිඳව විකුණූ තිරිසන් සැමියා - තිදරු මවක් මහනුවර වැවට පැන දිවි නසාගන්න හදද්දී හෙළි වූ බියකරු ඇත්ත

මත්කුඩු සඳහා මුදල් ලබාගැනීමේ අරමුණින් තම බිරිඳ අසල්වැසියෙකුට අලෙවි කළ බව කියන පුද්ගලයෙකු සහ ඇයව දූෂණය කළ බවට චෝදනා එල්ලවූ තවත් පුද්ගලයෙකු අත්අඩංගුවට ගැනීමට ශ්‍රී ලංකා පොලීසිය යටතේ අලවතුගොඩ පොලීසිය පරීක්ෂණ ආරම්භ කර ඇත.

මෙම සිද්ධියෙන් පසු තිස්පස් හැවිරිදි තිදරු මවක් සියදිවි හානි කර ගැනීමේ අරමුණින් මහනුවර වැවට පැන ඇති අතර, ත්‍රිරෝද රථ රියැදුරෙකු විසින් ඇය බේරාගෙන අකුරණ ප්‍රාදේශීය ලේකම් කාර්යාලයට භාර දී ඇතැයි වාර්තා වේ.

ඇය පසුව ප්‍රතිකාර සඳහා පේරාදෙණිය ශික්ෂණ රෝහල හි මානසික රෝග වාට්ටුවට ඇතුළත් කර ඇති අතර, වෛද්‍යවරුන් හමුවේ සිද්ධිය පිළිබඳ තොරතුරු අනාවරණය කර තිබේ.

වෙරළ තීරය ගිනි ජාලාවක් වෙයි - නිවාස 200ක් අළුවෙයි!

ඇයගේ ප්‍රකාශ අනුව, මත්කුඩු භාවිතයට ඇබ්බැහි වූ සැමියා මීට වසර කිහිපයකට පෙර රුපියල් ලක්ෂ 11කට වකුගඩුවක් විකුණා එම මුදලද මත්කුඩු සඳහා භාවිතා කර ඇති බව සඳහන් වේ. තවද, මත්කුඩු සඳහා මුදල් නොමැති වූ අවස්ථාවක අසල්වැසියෙකු සමඟ ලිංගිකව එක්වන ලෙස සැමියා විසින් බලපෑම් කර ඇති බවද ඇය කියා ඇත.

එමෙන්ම, එම පුද්ගලයා විසින් ඇය අතපය බැඳ අතවරයට ලක් කළ බවත්, එම සිද්ධියෙන් ඇති වූ දැඩි මානසික කම්පනය හේතුවෙන් තමන් වැවට පැන සියදිවි නසා ගැනීමට උත්සාහ කළ බවත් ඇය ප්‍රකාශ කර ඇත.

මේ වනවිට ඇය පේරාදෙණිය ශික්ෂණ රෝහල තුළ ප්‍රතිකාර ලබමින් සිටින අතර, ඇයගේ දරුවන් තිදෙනාගේ ආරක්ෂාව තහවුරු කිරීම සඳහා ජාතික ළමා ආරක්ෂණ අධිකාරිය සහ අකුරණ ප්‍රාදේශීය ලේකම් කාර්යාලයට දැනුම් දී ඇත.

සැකකරුවන් සම්බන්ධයෙන් තොරතුරු ශ්‍රී ලංකා පොලීසිය වෙත ලබාදීමට රෝහල් පාලනාධිකාරිය පියවර ගෙන ඇති අතර, මේ සම්බන්ධයෙන් වැඩිදුර විමර්ශන තවදුරටත් ක්‍රියාත්මක වේ.

2026 ඉන්දීය රූ රැජිණ කිරුළ සාධ්වී සතිෂ් සේල්ට

පුද්ගලයන් ලියාපදිංචි කිරීමේ දෙපාර්තමේන්තුවෙන් සුබ පණිවිඩයක්