මගේ සත්තු ටික වතුරේ ගියා උදේ වෙද්දී මාත් වතුරට පනින්න හිත හදාගත්තා [PHOTO]

ගංවතුරෙන් බේරීමට පොල් ගසක මුදුනේ එල්ලී පැය 24කට ආසන්න කාලයක් ගත කිරීමෙන් පසු ශ්‍රී ලංකා ගුවන් හමුදාව විසින් ආරක්ෂිත ස්ථානයකට ගුවනින් ගෙන යන ලද ගොවියා සිය අත්දැකීම පවසා ඇත.

කලා වැව පිටාර ගැලීමෙන් පසු තම ඉඩම් ජලයෙන් යට වූ බව දැනගත් මෙම පුද්ගලයා පසුගිය සිකුරාදා අළුයම තම ගවයන් අනතුරේ සිටින බව දැනගත් පසු දිව ගොස් ඇත.

උදව් කරන්න ආපු කොල්ලෝ ටිකට අම්බානක ගහලා - බෝට්ටුවත් හොරකම් කරන්න හදලා

සිය අත්දැකීම් ඔහු පවසා සිටියේ ,

''උදේ පාන්දර කෝල් එකක් ආවා ඔක්කොම යට වෙලා හරක් ටික කෝ යට වෙලා ද දන්නේ නෑ කියලා ගිහින් බලද්දි එකෙක් යට වෙලා.ඊට පස්සේ ලෙහලා වතුර නැති තැනක ගැට ගහලා දුවගෙන ගියා අනිත් හතරදෙනා බලන්න යනකොට උන් මැරිලා වගේ පා වෙනවා. මැරිලා නෑ යන්න පුළුවන් එන්න බෑ මං පීනලා ගියා.ඊට පස්සේ මං කණුව ගලෝලා පැළට එක්කගෙන ගියා පැයක් විතර හිටියා. පැළත් කැඩුනා.ඊට පස්සේ සතුන්ගේ ලණුව ලෙහුවා බෙල්ලෙන්ම අඩු වුණොත් ගෙනියමු නැත්තන් මැරෙන්න හරි කොහෙට හරි යයිනේ මගෙ ඇස් දෙකට පේන්නේ නෑනේ කියලා. සත්තු දෙන්නෙක් ගහගෙන ගියා අනිත් එකාව ලෙහන්නම බෑ ඒකා මැරෙනවා කියලා හිතාගෙන ලණුවක් අරන් මං නැග්ගා තැඹිලි ගහට. මට දැන් බලන් ඉන්න බෑ සතාව වතුරේ කැරකෙනවා ඊට පස්සේ උගේ බොලොක්කේ කැඩුනා. එයත් පණ පිටින් ගියා මැරුනේ නෑ..දැන් සත්තු නෑ මං විතරයි හිර වුණේ දවල් වෙද්දී බෝට්ටු ආවා එත් ලගට එන්න බෑ වතුර පාර සැර වැඩී එයාලා එන්නම් කියලා ගියා ආයේ ආවේ නෑ මං එයි කියලා හිත හදන් හිටියා. රෑ වෙද්දී හොඳටම වහිනවා ඉන්නම බෑ කන්න දෙයකුත් නෑ තැඹිලි කඩාගෙන බිව්වා. සීතලට දත් ටික ගැහෙන නිසා කුරුම්බැට්ටි හප හපා හිටියා හිත හදන් හිටියා උදේ ආවේ නැත්නම් වතුරට පනිනවා කියලා. එහෙම ඉද්දි තමා චොපර් එකක් ආවේ මටත් බෙල්ට් එක දාලා මාව උඩට ගත්තා."

දරුවෝ දෙන්නත් එක්ක වතුරට පැනලා අම්මා බේරිලා දරුවෝ නෑ