රටම මඟ බලපු තීරණාත්මක මොහොත අදයි - අද පෙරවරු 10 සිට ශ්‍රේෂ්ඨාධිකරණයේදී ආරම්භයි

අද (01)දින 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්බන්ධයෙන් ගොනුකර ඇති සියලු පෙත්සම් සලකා බැලීමට නියමිතව ඇත. මාධ්‍ය වාර්තා කරන්නේ මෙම පෙත්සම් අගවිනිසුරු ප්‍රිති පද්මන් සුරසේන මහතා ප්‍රමුඛ පංච පුද්ගල විනිසුරු මඩුල්ලක් හමුවේ සලකා බැලීමට නියමිත බවයි. පසුගිය 18 වන දින 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත පාර්ලිමේන්තුවට ඉදිරිපත් කරනු ලැබු අතර ඉන් අනතුරුව එම පනත් කෙටුම්පත සම්බන්ධයෙන් පෙත්සම් ගොනුකිරීමට අවස්ථාව ලබාදී ඇත.

ඊයේ රෑ අපි ගත්ත අන්තිම සෙල්ෆිය මේක චූලා - ඇය මට ගොඩක් විශේෂයි - ඊයේ රෑ හිටපු කෙනා අද නෑ - නළු රොෂාන් රණවන සංවේදී වෙයි

ඒ අනුව ඊයේ (31) දිනය දක්වා ඒ සඳහා අවස්ථාව හිමිවූ අතර මෙම පෙනත් කෙටුම්පත මඟින් අධිකරණයේ ස්වාධීනත්වයට සහ නීතීයේ ආධිපත්‍යයට හානි වන බව සඳහන් කරමින් ආණ්ඩුක්‍රම ව්‍යවස්ථාව අවභාවිතා කරන බව ප්‍රකාශ කරන ලෙස ද එම පනත් කෙටුම්පත ආණ්ඩුක්‍රම ව්‍යවස්ථාවට පටහැනි බවත් එය සම්මත කර ගැනීමට ජනමත විචාරණයකට යොමුකරන ලෙසත් ඉල්ලමින් පෙත්සම් ගොනුකෙරුණු අතර ඊට පක්ෂව සහ විපක්ෂව පෙත්සම් 40කට අධික සංඛ්‍යාවක් ඉදිරිපත් වී ඇත.

ඒ අනුව අදාළ පෙත්සම් සලකා බැලීම සඳහා අගවිනිසුරුවරයා විසින් පංච පුද්ගල විනිසුරුමඩුල්ලක් ඊයේ දිනයේ ප්‍රකාශයට පත්කළ අතර ඒ සඳහා අගවිනිසුරුවරයාට අමතරව අචල වෙන්ගප්පුලි, අර්ජුන ඔබේසේකර, සම්පත් අබේකෝන් සහ ගිහාන් කුලතුංග යන මහත්වරුන් නම් කරනු ලැබීය. ඒ අනුව අද පෙරවරු 10 සිට ශ්‍රේෂ්ඨාධිකරණය හමුවේ මෙම පෙත්සම් සලකා බැලීමට නියමිතව තිබේ.

උසස් පෙළ සිසුන් ගැන කණගාටුදායක ආරංචියක් - ශ්‍රී ලංකා විභාග දෙපාර්තමේන්තුවෙන් විභාගය ගැන හෙළි කල තොරතුරු මෙන්න

කෙසේවෙතත් පෙත්සම් විභාගය ආරම්භයේ දීම පෙත්සම් සලකා බැලීම සඳහා ශ්‍රේෂ්ඨාධිකරණ විනිසුරුවරු 13දෙනාම අසුන් ගතයුතු බවට කරුණු ඉදිරිපත් කිරීමට සූදානම් බව පාර්ලිමේන්තු මන්ත්‍රී අජිත්.පී. පෙරේරා මහතා පවසයි. ඔහු පෙන්වා දෙන්නේ අදාළ පනත් කෙටුම්පත අභියෝගයට ලක්කරමින් ඉදිරිපත් කර තිබෙන පෙත්සම් සලකා බැලීම සඳහා ශ්‍රේෂ්ඨාධිකරණ විනිසුරුවරුන් 13දෙනාම අසුන් ගතයුතු බවට සමගි ජනබලවේගය, ශ්‍රී ලංකා නීතීඥ සංගමය ඇතුළු පෙත්සම්කාර පාර්ශ්වයන් ඉල්ලා තිබුණු බවය.

ඒ අනුව අද උදෑසන පෙත්සම් සලකා බැලීම ආරම්භයේදීම සියලු පෙත්සම්කාර පාර්ශවයන් ඒ පිළිබඳව කරුණු ඉදිරිපත් කිරීමට සූදානම් බව අජිත්.පී. පෙර්රා මන්ත්‍රීවරයා සඳහන් කළේය. මේ අතර මෙම යෝජිත 22වන ආණ්ඩුක්‍රම ව්‍යවස්ථා සංශෝධනයට නිසැකවම විරුද්ධ වන ශ්‍රී ලංකා නීතීඥ සංගමයේ ස්ථාවරයට සහාය දක්වමින් දිවයින පුරා වෘත්තීය සංවිධාන සහ වෘත්තීය සමිති 40ක නියෝජිතයින් ඊයේ පස්වරුවේ ඒකාබද්ධ ප්‍රකාශයක් සම්මත කරගනු ලැබීය.

අද දහවල් 12:10ට මේ ප්‍රදේශ 8 ප්‍රවේශම් වෙන්න - අමුතුම කාලගුණයක් වාර්තා වෙයි