ඉදිරියෙදී අමෙරිකාවේ වෙනසක් වෙයිද? නැවත ජනාධිපති ධුරයට තරඟ කිරීමට කමලා සූදානම් වෙයි

 අමෙරිකාවේ 2024 ජනාධිපතිවරණයේදී ඩිමොක්‍රටික් පක්ෂයේ අපේක්ෂිකාව වූ හිටපු උප ජනාධිපතිනී කමලා හැරිස්, 2028 වසරේ පැවැත්වෙන ජනාධිපතිවරණයට නැවතත් ඉදිරිපත් වීම පිළිබඳව සලකා බලමින් සිටින බව සදහන් වේ.

 ‘නැෂනල් ඇක්ෂන් නෙට්වර්ක්’ (National Action Network) නම් සිවිල් අයිතිවාසිකම් සංවිධානයේ රැස්වීමකට සහභාගී වූ අවස්ථාවේදී ඇය ප්‍රසිද්ධියේ මේ බව සදහන් කර තිබුණි.

 නිව්යෝර්ක් නුවර පැවැති මෙම රැස්වීමට රැස්ව සිටි පිරිසගේ ප්‍රීති ඝෝෂා මධ්‍යයේ මේ බව පැවසූ ඇය සදහන් කරන ලදි.

ඒ වගේම තමන් ඉදිරි ජනාධිපතිවරණය සඳහා ඇතැම් විට ඉදිරිපත් වීමේ හැකියාව පවතින අතර තමන් ඒ පිළිබඳ සලකා බලමින් සිටින බවයි.

හෝමූස් හරහා අමෙරිකානු නාවික හමුදා නෞකා දෙකක් යාත්‍රා කළේ නෑ - ඉරානයෙන් ප්‍රකාශයක්

ඇය මීට පෙර එක්සත් ජනපද සෙනෙට් සභිකවරියක සහ කැලිෆෝනියාවේ නීතිපතිවරිය ලෙසද කටයුතු කර තිබේ.

2028 වසරේදී ඇමරිකානු ජනතාව වෙනුවෙන් ජනාධිපති ලෙස හොඳම සේවය ලබාදිය හැක්කේ කාටද යන්න පදනම් කරගනිමින් තමා තරඟ කිරීම පිළිබඳව තීරණය කරන බව සදහන් කර තිබේ .

ජනාධිපති ජෝ බයිඩන් යටතේ උපජනාධිපති ලෙස කටයුතු කළ හැරිස්, 2024 ජනාධිපතිවරණයේදී ඩොනල්ඩ් ට්‍රම්ප් හමුවේ පරාජයට පත්විය .

ඇය 2020 වසරේදී ද ඩිමොක්‍රටික් පක්ෂයේ ජනාධිපති අපේක්ෂකත්වය ලබාගැනීමට අසාර්ථක උත්සාහයක නිරත විය.

 නමුත්  හැරිස්ගේ  2024 පරාජයෙන් පසුව ඩිමොක්‍රටික් පක්ෂය සඳහා නව නායකයන් දැකීමට කැමැත්තෙන් සිටින ඡන්දදායකයන්ගෙන් ඇයට 2028 දී අභියෝග එල්ල විය හැකි බවක් මත විමසුම් මගින් පෙනීයයි.

ඉන්දීය ප්‍රවීණ ගායන ශිල්පිනියක් රෝහල්ගත කරයි