මේ අයට මැතිවරණ කොමිසමෙන් වැදගත් නිවේදනයක්

මෙම වසරට (2026) අදාළව නව දේශපාලන පක්ෂ ලියාපදිංචි කිරීමේ මූලික කටයුතු මේ වන විට ආරම්භ කර ඇති බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා ප්‍රකාශ කළේය.

නව පක්ෂ ලියාපදිංචිය සඳහා අයැදුම්පත්‍ර භාරගැනීම පෙබරවාරි මස 28 වැනිදායින් අවසන් වූ අතර, දැනට එම අයැදුම්පත් පරීක්ෂා කිරීමේ අදියර ක්‍රියාත්මක වේ.

සභාපතිවරයා සඳහන් කළ පරිදි, අයැදුම්පත් පරීක්ෂා කිරීමෙන් අනතුරුව සුදුසුකම් සපුරා ඇති පක්ෂ සඳහා වන සම්මුඛ පරීක්ෂණ කටයුතු ලබන ජුනි මාසය වන විට ආරම්භ කිරීමට සැලසුම් කර ඇත.

දේශපාලන පක්ෂයක් ලෙස නිල වශයෙන් පිළිගැනීමට පෙර අදාළ පාර්ශ්වයන් සම්මුඛ පරීක්ෂණ වට තුනකට මුහුණ දිය යුතු බව මැතිවරණ කොමිෂන් සභාව අවධාරණය කරයි.

යාපනය රෝහලේ දරුණු ගින්නක් - ඖෂධ ගබඩාවට දැඩි හානි

පසුගිය 2025 වසරේදී ලද අයැදුම්පත් සංඛ්‍යාව හා සසඳන විට මෙවර අයැදුම්පත් ප්‍රමාණයේ යම් අඩුවක් දක්නට ලැබෙන බව ද සභාපතිවරයා පෙන්වා දුන්නේය. 2025 වසරේදී නව දේශපාලන පක්ෂ පහක් (05) මැතිවරණ කොමිෂන් සභාවේ පිළිගැනීමට ලක් වූ අතර, ඒ සමඟ මෙරට ලියාපදිංචි සමස්ත දේශපාලන පක්ෂ සංඛ්‍යාව 85 දක්වා ඉහළ ගොස් තිබේ.

නව දේශපාලන පක්ෂයක් ලියාපදිංචි කිරීමේදී එම පක්ෂයේ ව්‍යවස්ථාව, සාමාජිකත්වය, ක්‍රියාකාරී දේශපාලනයේ නිරත වූ කාලය සහ මූල්‍ය විනිවිදභාවය වැනි කරුණු රැසක් කොමිෂන් සභාවේ දැඩි පරීක්ෂාවට ලක් වේ.

ප්‍රධාන මාර්ගයේ තෙල් ප්‍රවාහන දුම්රියක් පීලි පනී

මෙම ක්‍රියාවලිය හරහා වඩාත් වගකිවයුතු දේශපාලන කණ්ඩායම් සඳහා පමණක් මැතිවරණවලට ඉදිරිපත් වීමට අවස්ථාව සැලසීම කොමිෂන් සභාවේ අරමුණයි.