15 හැවිරිදි වෛභව් සූර්යවංශි දුලීප් කුසලාන ඉතිහාසය අලුත් කරයි - වසර 57ක් පැරණි වාර්තාවක් බිඳ හෙලයි

දුලීප් කුසලාන ක්‍රිකට් තරගාවලි ඉතිහාසයේ අර්ධ ශතකයක් ලබාගත් ළාබාලතම ක්‍රීඩකයා බවට පත්වෙමින් වයස අවුරුදු 15යි දින 157ක් වන වෛභව් සූර්යවංශි (Vaibhav Sooryavanshi) අලුත් ඉතිහාසයක් රචනා කිරීමට සමත් විය.

වත්මන් දුලීප් කුසලාන අර්ධ අවසාන තරගයේදී සෙන්ට්‍රල් සෝන් (Central Zone) කණ්ඩායමට එරෙහිව ඊස්ට් සෝන් (East Zone) කණ්ඩායම නියෝජනය කරන මෙම යොවුන් ආරම්භක පිතිකරුවා, පන්දු 42කදී වේගවත් අර්ධ ශතකයක් සපිරුවේය.

ඔහුගේ මෙම සටන්කාමී ඉනිමට හයේ පහර 3ක් සහ හතරේ පහර 5ක් ඇතුළත් විය. ලකුණු 92කට දැවී යාම නිසා ඔහුට හිමිවීමට තිබූ ළාබාලතම ශතකයේ වාර්තාව අවාසනාවන්ත ලෙස අහිමි වූවත්, අර්ධ ශතක වාර්තාව තමන් සතු කරගැනීමට ඔහුට හැකි විය.

වසර 57ක් පැරණි වාර්තාව බිඳවැටෙයි මෙම දස්කම සමගින් ඔහු 1969 වසරේදී ලක්ෂ්මන් සිං (Laxman Singh) තබා තිබූ වසර 57ක් පැරණි වාර්තාව බිඳ හෙලීය.

ලෝඩ්ස් පරාජයෙන් පසු බාබර්ගෙන් පුදුම සහගත පිළිතුරක් - නායකත්ව උපක්‍රම ගැන ප්‍රශ්න මතුවෙයි

වයස අවුරුදු 15යි දින 157ක් වන වෛභව් සූර්යවංශි, තරගයකදී කණ්ඩායම මෙහෙයවීමේ අවස්ථාව හිමිකර ගනිමින් විශේෂ වාර්තාවක් සනිටුහන් කළේය.

මීට පෙර මෙම වාර්තාවට හිමිකම් කියා තිබුණේ වයස අවුරුදු 16යි දින 23ක් වූ ලක්ෂ්මන් සිං (1969) සහ වයස අවුරුදු 16යි දින 307ක් වූ පියුෂ් චවුලා (2005) ය.

තරගයේ පළමු දිනයේදී ඊස්ට් සෝන් කණ්ඩායමේ නායක ඉෂාන් කිෂන්ගේ මැණික් කටුවට සිදුවූ ආබාධයක් හේතුවෙන් ඔහු පිටියෙන් ඉවත්ව සිටි අවස්ථාවේදී, කණ්ඩායමේ නායකත්ව වගකීම භාර ගැනීමට යොවුන් වෛභව් සූර්යවංශිට අවස්ථාව හිමිවිය.

ඒ අනුව, ඉතා ළාබාල වියේදීම කණ්ඩායමක් මෙහෙයවීමේ වගකීම ලැබූ ක්‍රීඩකයෙකු ලෙස සූර්යවංශි අවධානය දිනා ගත්තේය. 

ලෝක කුසලානය ඉලක්ක කරමින් ශ්‍රී ලංකා මැද පෙළ ශක්තිමත් කරන්න දසුන් නැවත කැඳවීමේ සූදානමක්