නොසන්සුන් තත්ත්වයක් - ඉන්දියාවේ රජයේ පාසල් හා නේවාසිකාගාර තුනක සිසුන් 100ක් රෝහලේ - 10කට බරපතළයි

ඉන්දියාවේ තෙලන්ගනා ප්‍රාන්තයේ රජයේ පාසල් සහ නේවාසිකාගාර තුනක සිසුන් 100කට වැඩි පිරිසක් ආහාර විෂ වීමෙන් රෝගාතුර වී ඇති බව වාර්තා වේ.

ඒ අනුව මෙම සිදුවීම් ජනවාරි 29 සහ 30 යන දින දෙක තුළ සංගාරෙඩ්ඩි, ඛම්මාම් සහ වනපාර්ති යන දිස්ත්‍රික්කවලින් වාර්තා වී ඇත.

ඉකුත් 29 වන දින සංගාරෙඩ්ඩි දිස්ත්‍රික්කයේ වෙන්කටාපූර් ගම්මානයේ රජයේ ප්‍රාථමික පාසලක සිසුන් 45 දෙනෙකු දිවා ආහාරය ලබා ගැනීමෙන් පසු අසනීප වී ඇත.

එහිදී පිළිගැන්වූ එක් ව්‍යංජනයකින් දුර්ගන්ධයක් වහනය වන බවට සිසුන් පැමිණිලි කළ ද, බලධාරීන් එය නොසලකා හැර ඇති බව සඳහන්.

ලෝකෙම ආදරේ දිනූ ‘Home Alone’ චිත්‍රපටයේ කෙවින්ගේ මව ජීවිතක්ෂයට - කෙවින්ගෙනුත් සංවේදී සටහනක්

අනතුරුව වමනය සහ උදර වේදනාව ඇති වූ සිසුන් 23 දෙනෙකු රෝහල් ගත කර ඇත. එමෙන්ම ඛම්මාම් දිස්ත්‍රික්කයේ ඊයේ බොඩියතන්ඩා රජයේ ප්‍රාථමික පාසලේ සිසුන් 38 දෙනෙකු ආහාර විෂ වීම නිසා රෝහල් ගත කර තිබෙනවා.

ඔවුන් වමනය, පාචනය සහ උදර වේදනාව වැනි රෝග ලක්ෂණ පෙන්නුම් කළ අතර, ඉන් සිසුන් 10 දෙනෙකුගේ තත්ත්වය බරපතළ බව ද වෛද්‍යවරු පවසා ඇති බව සඳහන්.

මේ අතර වනපාර්ති දිස්ත්‍රික්කයේ ඊයේ රාත්‍රියේ දැරියන්ගේ නේවාසිකාගාරයක සිසුන් 32 දෙනෙකු රාත්‍රී ආහාරයෙන් පසු අසනීප වී ඇත.

ඔවුන් එදින රාත්‍රියට ලබු ව්‍යංජනයක්, තක්කාලි රසම් සහ බිත්තර අනුභව කර ඇති බව සඳහන්.

බිහිසුණු ඛේදවාචකයක් - කොංගෝවේ පතලක් කඩා වැටී 200කට වැඩි පිරිසක් ජීවිතක්ෂයට

ඒ අනුව ඔවුන්ව ගිලන් රථ මඟින් දිස්ත්‍රික් රෝහලට ඇතුළත් කිරීමට නේවාසිකාගාර පාලිකාව පියවර ගෙන ඇත.

දිස්ත්‍රික් බලධාරීන් මේ පිළිබඳව විධිමත් පරීක්ෂණයක් පවත්වා වගකිවයුත්තන්ට එරෙහිව දැඩි ක්‍රියාමාර්ග ගන්නා බව ප්‍රකාශ කරයි.

මේ අතර, රෝහල් ගත කළ දරුවන්ගේ සුවදුක් බැලීමට ප්‍රදේශයේ දේශපාලන නායකයින් සහ නිලධාරීන් පැමිණි අතර එහිදී සුළු නොසන්සුන්කාරී තත්ත්වයක් ද ඇතිව ඇති බව සඳහන්.

ඊශ්‍රායලයේ වෙසෙන ශ්‍රී ලාංකිකයන්ට විශේෂ දැනුම්දීමක්