අනතුරුදායක කඳුකරයේ තවමත් ඉවත් නොවූ ජනතාව - ජීවිත 10,000කට වැඩි ප්‍රමාණයක් අවදානමේ

දිට්වා සුළි කුණාටුවෙන් පසු ඇදහැලුණු අධික වැසි නිසා කඳුකරයේ නායයෑම් අවදානම ඉහළ ගොස් තිබියදීත්, අනතුරුදායක ප්‍රදේශවලින් ඉවත් වීම ප්‍රතික්ෂේප කරන ජනතාව නිසා ජීවිත දහස් ගණනක් දැඩි අවදානමකට ලක්ව ඇති බව වාර්තා වෙයි.

ජාතික ගොඩනැඹුල් පර්යේෂණ ආයතනය (NBRO) නිකුත් කළ තොරතුරුවලට අනුව, වර්තමානයේ ශ්‍රී ලංකාවේ වතුකරයේ පමණක් අනතුරුදායක තත්ත්වයක සිටින පුද්ගලයන් 15,000කට අධික පිරිසකි. මෙම ප්‍රදේශවලට නායයෑම් අවදානම් මට්ටම 3 (ඉවත්වන ලෙස බල කරන මට්ටම) සහ මට්ටම 2 යටතේ අනතුරු ඇඟවීම් නිකුත් කර තිබේ.

නායයෑම් ගැන අලුත්ම වාර්තා හරි භයානකයි - රටේ භූමියෙන් 30% ක් නාය යෑමේ අවදානමේ

එහෙත් ඊයේ (14) වන විට ආරක්ෂිත ස්ථානවලට ඉවත් කර ඇත්තේ පුද්ගලයන් 5,000කට ආසන්න පිරිසක් පමණි. එනිසා තවත් පුද්ගලයන් 10,000කට වැඩි පිරිසක් තවමත් අනතුරුදායක කඳු බෑවුම්වල රැඳී සිටින බව විපත් කළමනාකරණ මධ්‍යස්ථානය පවසයි.

ජාතික ගොඩනැඹුල් පර්යේෂණ ආයතනයේ ජ්‍යෙෂ්ඨ භූ විද්‍යාඥ වසන්ත සේනාධිර මහතා මාධ්‍යට අදහස් දක්වමින් පැවසුවේ,

“අපි මේ දිනවල සමහර ප්‍රදේශවල සම්පූර්ණයෙන්ම සමීක්ෂණය නොකළ කඳු බෑවුම්වල පවා ජනතාව ජීවත් වන බව සොයාගෙන තිබෙනවා. මේ තත්ත්වය ඉතාමත් බරපතලයි. ඕනෑම මොහොතක ලොකු නායයෑම් සිදුවිය හැකියි.”

විශේෂයෙන්ම බදුල්ල, නුවරඑළිය, කෑගල්ල, රත්නපුර සහ මහනුවර දිස්ත්‍රික්කවල අනතුරුදායක ගම්මාන රැසක් හඳුනාගෙන ඇති අතර, බොහෝ දෙනෙක් “අපේ ගෙවල්, දරුවන්ගේ පාසල්, රැකියා” ආදී හේතු මත ඉවත් වීමට අකමැති බව නිලධාරීන් පවසති.

විවෘත මාධ්‍යයේ අදහස් දැක්වීමට ආණ්ඩුවේ වගකිවයුතු ප්‍රබලයන් අතර භීතියක් ද?

විපත් කළමනාකරණ අමාත්‍යාංශයේ නිලධාරීන් අවධාරණය කරන්නේ, බලහත්කාරයෙන් ඉවත් කිරීමේ අවසන් අදියර දැනටමත් ආරම්භ කර ඇති බවයි. “ජීවිත බේරාගැනීම අපේ ප්‍රමුඛතම කාර්යයයි. ජනතාව ස්වේච්ඡාවෙන් ඉවත් නොවුණොත් අපට බලහත්කාරයෙන් ඉවත් කිරීමට සිදුවෙනවා” යයි එම නිලධාරීන් පැවසූහ.

මේ අතර ඊයේ රාත්‍රියේත් කඳුකරයේ ඇදහැලුණු තද වැසි නිසා කුඩා ප්‍රමාණයේ නායයෑම් කිහිපයක්ම වාර්තා වී ඇති අතර, තවදුරටත් වැසි තත්ත්වය පවතින බැවින් අනතුරු අවදානම තවමත් ඉහළ මට්ටමක පවතින බව ආපදා කළමනාකරණ මධ්‍යස්ථානය නිවේදනය කරයි.

වහාම ක්‍රියාත්මක වන පරිදි මේ එන්නත තහනම්