සෞඛ්‍ය අමාත්‍යාංශයෙන් අනතුරු ඇගවීමක් - හේතුව මෙන්න

 මෙරට සෑම පුද්ගලයින් තිදෙනෙකුගෙන්ම එක් අයෙකුට අධි රුධිර පීඩනය පවතින බව සෞඛ්‍ය අමාත්‍යාංශය අනතුරු අඟවා ඇත .

බෝ නොවන රෝග ඒකකයේ අධ්‍යක්ෂ වෛද්‍ය ශ්‍රීනි අලහප්පෙරුම මහත්මිය සදහන් කළේ මෙරට සිදුවන මරණවලින් සියයට 34කට පමණ අධි රුධිර පීඩනය නිසා ඇතිවන රෝග හේතුවන බවයි.

දෙමාපියන්ගේ අවධානයට - දරුවන්ට අධික උණ, බෙල්ලේ තද ගතිය තියෙනවා නම් වහාම PHI දැනුවත් කරන්න

ඒ සෞඛ්‍ය අමාත්‍යාංශයේ පැවති ප්‍රවෘත්ති සාකච්ඡාවේදීය . එහිදී වැඩිදුර අදහස් දැක්වු වෛද්‍ය ශ්‍රීනි අලහප්පෙරුම මහත්මිය සදහන් කළේ මෙවන් අදහසක්   

"අධි රුධිර පීඩනය තියෙනවා කියන එක බොහෝවිට අපිට දැනෙන්නෑ. විශේෂයෙන් අවුරුදු 35ට වැඩිනම් මේ රුධිර පීඩනය අවම වශයෙන් මාස හයකට වරක් අවුරුද්දකට වරක් පරීක්ෂා කරගන්නවා නම් අපිට දැනගන්න පුළුවන් අපේ රුධිර පීඩනය වැඩි ද මොකද වෙලා තියෙන්නේ කියලා. අපේ රටේ සාමාන්‍යෙයන් තුන් දෙනෙක්ගෙන් එක්කෙනෙක්ට අධිරුධිර පීඩනය තියෙනවා. සියයට 63.9ක් ප්‍රතිකාර ලබන්නේ නෑ. ඊට අමතරව ප්‍රතිකාර ලබා ගන්නා පිරිසෙන් 39.1%ක් රුධිර පීඩනය පාලනය වෙලා නෑ. ලුණු අධික ආහාර ගන්න එක රුධිර පීඩනයට හේතුවක්"