ලෝකය දිනු පුංචි ටාවි දිවයිනට

ටාවි සමරවීර වයස අවුරුදු 11න් පහළ ලෝක ශ්‍රේණිගත කිරීම් මේස පන්දු තරගාවලි දෙකක් ජයගත් අද (26) අලුයම දිවයිනට පැමිණ ඇත.

ඔහු ඕමානයේ මස්කට් නුවර සිට සලාම් එයාර් ගුවන් සේවයේ OV- 437 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබේ .

ටාවි සමරවීර ජනවාරි මස 14 වැනිදා සිට 18 වැනිදා දක්වා බහරේන්හි පැවැති තරගාවලිය ජයගනිමින් එහි රන් පදක්කම දිනාගැනීමට හැකියාව ලැබී  ඇත.

තවමත් 10 හැවිරිදි වියේ පසුවන ටාවි සමරවීර කොළඹ, ගල්කිස්ස ශාන්ත තෝමස් විද්‍යාලයේ 06 ශ්‍රේණියේ ඉගෙනුම ලබන ශිෂ්‍යයෙකි.

සුපිරි 6 වටයේ ශ්‍රී ලංකාව ක්‍රීඩාකරන පළමු තරගය අද

ටාවි සමරවීරගේ පුහුණුකරු ලෙස ඔහුගේ පියා වන හසිත සමරවීර කටයුතු කර ඇත.

තවත් විශේෂත්වයක් වනුයේ ඔහු වයස අවුරුදු 11න් පහළ මේස පන්දු ක්‍රීඩක ලෝක ශ්‍රේණිගත කිරීම්හි පළමු ස්ථානයේ පසුවීමයි.

තවද කටාර් රාජ්‍යයේ දෝහා නුවර ජනවාරි 19 වැනිදා සිට 25 වැනිදා දක්වා පැවැති ලෝක කනිෂ්ඨ මේස පන්දු තරගාවලියේ වයස අවුරුදු 11න් පහළ අංශයේ රන් පදක්ම ද ඔහු තමන් සතු කර ගන්නට සමත් විය .