නිකුත් වූ සා.පෙළ ප්‍රතිඵල මත තවත් සුබ ආරංචියක් - හතර වටින්ම සුබ පැතුම්

පාදුක්ක වටරැක එළිමහන් සිර කඳවුරේ පිහිටි සුනීත පාසලේ නේවාසිකව ඉගෙනුම ලැබූ රැඳවුම් භාරයේ පසුවන තරුණ සිසුන් 6 දෙනෙකු මෙවර අධ්‍යයන පොදු සහතික පත්‍ර සාමාන්‍ය පෙළ විභාගයෙන් විශිෂ්ට ලෙස සමත්ව උසස් පෙළ හැදෑරීම සඳහා නිල වශයෙන් සුදුසුකම් ලබා තිබේ.

සමස්ත දිවයිනේම රැඳවියන්ගේ අධ්‍යාපන කටයුතු වෙනුවෙන්ම පමණක් සුවිශේෂී ලෙස වෙන්වූ ශ්‍රී ලංකාවේ එකම නිල පාසල වන වටරැක සුනීත පාසලේ විශේෂයෙන් පිහිටුවා තිබූ විභාග මධ්‍යස්ථානයේදී මෙම සිසුන් පිරිස මෙවර සාමාන්‍ය පෙළ විභාගය සඳහා ඉතාමත් සාර්ථකව පෙනී සිට ඇත.

මීට වසර 2 ක් හෝ 3 කට ඉහතදී විවිධ සුළු වැරදි සහ සමාජ විරෝධී ක්‍රියා සම්බන්ධයෙන් නීතියේ රැහැනට හසුවී මෙම පිරිස බන්ධනාගාරගත වී ඇති බව ද බන්ධනාගාර ආරංචි මාර්ග සඳහන් කරයි.

වටරැක එළිමහන් බන්ධනාගාර පරිශ්‍රය තුළ ස්ථාපිත කර ඇති මෙම සුනීත විද්‍යාලය 2014 වර්ෂයේ දී බන්ධනාගාර දෙපාර්තමේන්තුව සහ අධ්‍යාපන දෙපාර්තමේන්තුව සක්‍රීයව ඒකාබද්ධ වෙමින් මෙරට වැරදි කරන දරුවන් යහමඟට ගැනීම උදෙසා නිල වශයෙන් ආරම්භ කර තිබේ.

ඉන්ධන මිල වැඩි රුපියල් ගණනකින් පහළට - නව අගයන් මෙන්න

දෙමව්පියන්ට හා සිසුන්ට විශේෂ නිවේදනයක් - පාසල තුළ සිසුන්ට මේ දේවල් තහනම් - සෞඛ්‍ය අංශයෙන් දැනුම්දීමක්