චිත්‍ර කලාවේ නොමැකෙන සලකුණක් තැබූ ප්‍රවීණ කලාකරු මොටාගෙදර වනිගරත්න ජීවිත සිනමාවට සමුදෙයි

ශ්‍රී ලංකීය චිත්‍ර කලාවට ඉමහත් මෙහෙවරක් ඉටු කළ ප්‍රවීණ චිත්‍ර ශිල්පියෙකු වූ මොටාගෙදර වනිගරත්න මහතා අභාවප්‍රාප්ත වී තිබේ එතුමා මියයන විට එතුමා 93 වන වියේ පසු විය

දශක ගණනාවක් පුරා තම නිර්මාණ හරහා ශ්‍රී ලාංකීය ජන සමාජයේ ආකල්ප සහ රසඥතාව ඔප්නැංවීමට එතුමා සුවිශේෂී දායකත්වයක් ලබා දී තිබේ.

   1956 ඔක්තෝබර් 03 සිට 05 දක්වා කොළඹ ජාතික කලාභවනේදී පැවැති “මගේ ලංකාව” නම් ඔහුගේ ප්‍රථම ඒකපුද්ගල සිතුවම් ප්‍රදර්ශනය, ඔහුගේ කලා ජීවිතයේ වැදගත් සංධිස්ථානයක් බවට පත්විය.

මොටාගෙදර වනිගරත්න මහතා කැන්වස් සිතුවම්වලට පමණක් සීමා නොවී, ශ්‍රී ලංකාවේ තොරණ් කලාව නව මානයකට ගෙන ගිය කලාකරුවෙකු ලෙසද සලකනු ලබයි

එමෙන්ම ලංකාදීප පුවත්පතේ චිත්‍ර ශිල්පියෙකු ලෙස කටයුතු කරමින්, තම රේඛාමය හැකියාව ජනමාධ්‍ය ඔස්සේද එතුමා ප්‍රකට කරනු ලැබීය .