හෙද සේවයට පිවිසීමට බලාපොරොත්තුවෙන් සිටින අයට සුබ ආරංචියක්

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අද (15) පැවති කැබිනට් තීරණ දැනුම්දීමේ මාධ්‍ය හමුවේදී ප්‍රකාශ කළේ, හෙද සේවයේ පවතින පුරප්පාඩු පිරවීම සඳහා බඳවා ගැනීම් කිරීමට ගැසට් නිවේදන දෙකක් එළැඹෙන සිකුරාදා (18) නිකුත් කිරීමට බලාපොරොත්තු වන බවයි.

බඳවා ගැනීම් විස්තර

සිසු හෙද හෙදියන්: 2020, 2021, සහ 2022 වසරවල අ.පො.ස. උසස් පෙළ විභාගයට පෙනී සිටි අය අතරින් 2,650ක් බඳවා ගැනීම.

හෙද උපාධිධාරීන්: හෙද උපාධිය ලබාගත් උපාධිධාරීන් 850ක් රාජ්‍ය සේවයට බඳවා ගැනීම.

රජයේ රැකියා කප්පාදුවට ශ්‍රේෂ්ඨාධිකරණයෙන් අවසර - විශාල සේවක අඩුකිරීම් සැලසුම්

මාධ්‍ය හමුවේදී වැඩිදුරටත් අදහස් දැක්වූ අමාත්‍යවරයා කියා සිටියේ;

"අපේ රටේ හෙද සේවයේ සැලකිය යුතු පුරප්පාඩුවක් පවතිනවා. විශේෂයෙන් උතුරු පළාතේ ප්‍රාදේශීය රෝහල් 33ක කිසිදු හෙදියක් නැති තත්ත්වයක් තිබෙනවා.

මේ නිසා අපි දැන් 2020, 2021, සහ 2022 අ.පො.ස. උසස් පෙළ විභාගයට පෙනී සිටි අයගෙන් සිසු හෙද හෙදියන් 2,650ක් බඳවා ගැනීම සඳහා ගැසට් නිවේදනයක් එළැඹෙන සිකුරාදා (18) නිකුත් කරනවා. මේ ගැසට් නිවේදනයත් සමඟ එම පිරිසට හෙද පුහුණුව සඳහා ඉල්ලුම් කිරීමට අවස්ථාව හිමිවෙනවා.

ඊට අමතරව, හෙද උපාධිය ලබාගත් උපාධිධාරීන් 850ක් රාජ්‍ය සේවයට බඳවා ගැනීමටත් අපි පියවර ගන්නවා. ඒ සඳහා ද ගැසට් නිවේදනයක් එදිනම, එනම් සිකුරාදා (18) නිකුත් කරනවා. මේ බඳවා ගැනීම් හරහා අපි හෙද සේවයේ පවතින පුරප්පාඩු පිරවීමටත්, රෝහල්වල සේවාවන් ශක්තිමත් කිරීමටත් බලාපොරොත්තු වෙනවා."

අද සිට රාජ්‍ය සේවකයන්ගේ වැටුපෙන් 1/30ක් කප‍යි

මෙම බඳවා ගැනීම් හරහා හෙද සේවයේ කාර්ය මණ්ඩල හිඟය අවම කිරීමටත්, විශේෂයෙන් උතුරු පළාතේ රෝහල්වල හෙද සේවිකාවන් නොමැතිකම හේතුවෙන් ඇතිවී තිබෙන සෞඛ්‍ය සේවා අර්බුදය විසඳීමටත් බලධාරීන් අපේක්ෂා කරති. මෙම ගැසට් නිවේදන මඟින් බඳවා ගැනීම් සඳහා ඉල්ලුම් කිරීමට උනන්දුවන අයට ඉදිරි සති කිහිපය තුළ අවස්ථාව හිමිවනු ඇත.

අද ලග්න පලාපල – 2025 ජූලි 15 | ඔබේ ලග්නයට අද දිනය අතිවිශේෂයි – නොසිතූ හැටි සිදුවන හැටි