මේ දිස්ත්‍රික්කවල සිටින ගැබිණි හා කිරිදෙන මව්වරුන් සහ කුඩා දරුවන්ට රජයෙන් සුබ ආරංචියක්

කොවිඩ්-19 වසංගතය සහ ඉන් අනතුරුව ඇති වූ ආර්ථික අර්බුදයේ බලපෑම හේතුවෙන් පෝෂණ මට්ටම පහත වැටී ඇති දිස්ත්‍රික්ක 04 ක මාතෘ හා මුල් ළමාවිය පෝෂණ සේවා ඉහළ නැංවීම සඳහා වසර 03 ක විශේෂ ව්‍යාපෘතියක් ක්‍රියාත්මක කිරීමට අමාත්‍ය මණ්ඩල අනුමැතිය හිමිව තිබේ.

ලෝක බැංකු සමූහයට අයත් ජපන් සමාජ සංවර්ධන අරමුදල මඟින් ලබා දෙන අමෙරිකානු ඩොලර් මිලියන 2.73 ක පූර්ණ ප්‍රදානයක් යටතේ මෙම ව්‍යාපෘතිය ක්‍රියාත්මක කිරීමට නියමිතය.

ලබන මස 19 වැනිදා සිට අනිවාර්ය නීතියක් - නීතිය පිළිනොපඳින සියලු දෙනාට දඩ

නුවරඑළිය, රත්නපුර, පොළොන්නරුව සහ ත්‍රිකුණාමලය යන දිස්ත්‍රික්කයන්හි වෙසෙන, අවදානමට ලක්ව සිටින ගැබිණි හා කිරිදෙන මව්වරුන් මෙන්ම වයස අවුරුදු 05 ට අඩු කුඩා දරුවන් ඉලක්ක කරගනිමින් මෙම පෝෂණ මැදිහත්වීමේ හා සුබසාධන වැඩසටහන් දියත් කෙරේ.

සෞඛ්‍ය සහ ජනමාධ්‍ය අමාත්‍යවරයා විසින් ඉදිරිපත් කරන ලද අදාළ යෝජනාව සඳහා මෙලෙස අමාත්‍ය මණ්ඩලයේ අනුමැතිය හිමිව තිබේ.

රජයෙන් සුභ ආරංචියක් - සතොස හරහා සියලුම ජනතාවට සහල් ලබා දේ මෙන්න විස්තරේ