යුද නැව් 2ක් හෝමූස් සමුද්‍ර සන්ධිය හරහා - අමෙරිකාවෙන් ප්‍රකාශයක්

අමෙරිකාව සහ ඊශ්‍රායලය එක්ව ඉරානයට ප්‍රහාර එල්ල කිරීමෙන් අනතුරුව, පළමු වතාවට අමෙරිකානු යුද නැව් දෙකක් හෝමූස් සමුද්‍ර සන්ධිය හරහා ගමන් කර ඇති බව විදෙස් වාර්තා සඳහන් කරයි.

එක්සත් ජනපදය විසින් එම සමුද්‍ර මාර්ගයේ ඇති බාධක ඉවත් කිරීමේ කටයුතු සිදුකරමින් සිටින බව Donald Trump ප්‍රකාශ කර තිබේ.

විදෙස් මාධ්‍ය වාර්තා අනුව, අමෙරිකානු නාවික හමුදාව විසින් හෝමූස් සමුද්‍ර සන්ධිය තුළ ඇති බිම්බෝම්බ ඉවත් කිරීමේ මෙහෙයුම් ආරම්භ කර ඇති බවද සඳහන් වේ.

මෙම මෙහෙයුම සම්බන්ධයෙන් ටෙහෙරානයේ බලධාරීන් සමඟ කිසිදු සෘජු සම්බන්ධීකරණයක් සිදු කර නොමැති බව Axios පුවත් සේවය වාර්තා කර ඇත.

මැද පෙරදිග පවතින ආරක්ෂක ආතතීන් මධ්‍යයේ මෙම වර්ධනය ජාත්‍යන්තර අවධානය දිනාගෙන ඇති අතර, ගෝලීය වෙළඳ හා බලශක්ති සැපයුමටද එය බලපාන අවදානමක් පවතින බව විශ්ලේෂකයින් පෙන්වා දෙයි.

අපි සාකච්චා කරන්නේ ලෙබනනය සමග විතරයි - හිස්බුල්ලා සමග නෙමෙයි - ඉරානයෙන් සැර ප්‍රකාශයක්

ලෝක දේශපාලනය උණුසුම ඉහළටම - අමෙරිකානු උප ජනාධිපති ජේ.ඩී පාකිස්තාන අගමැති හමුවෙයි