ශ්‍රී ලංකා හදිසි සහන කටයුතු සඳහා ඇමරිකාවෙන් ඩොලර් මිලියන 2ක ආධාර

ශ්‍රී ලංකාවේ හදිසි සහන කටයුතු සඳහා අමෙරිකා එක්සත් ජනපදයෙන් ඩොලර් මිලියන 2ක ආධාරයක් ලබාදීමට පොරොන්දු වී තිබේ.

සිය X ගිණුමෙහි සටහනක, ශ්‍රී ලංකාවේ අමෙරිකානු තානාපතිනි ජූලි චන්ග් මෙසේ පැවසුවාය.

Sri Lanka is facing difficult days as communities continue to be affected by Cyclone Ditwah, with heavy rains & flooding in many areas. The United States stands in solidarity with Sri Lanka. Today, we are committing $2 million to support urgent relief efforts. This reflects our… pic.twitter.com/OAaN9AXbaq

— Ambassador Julie Chung (@USAmbSL) November 29, 2025

"දිට්වා සුළි කුණාටුවෙන් ප්‍රජාවන් තවමත් පීඩාවට පත්ව සිටින බැවින්, බොහෝ ප්‍රදේශවල අධික වර්ෂාව සහ ගංවතුර තත්ත්වය හේතුවෙන් ශ්‍රී ලංකාව දුෂ්කර දිනවලට මුහුණ දී සිටී. එක්සත් ජනපදය ශ්‍රී ලංකාව සමඟ සහයෝගයෙන් සිටී. අද අපි හදිසි සහන කටයුතු සඳහා සහාය වීමට ඩොලර් මිලියන 2ක් ලබාදෙන්නෙමු."

එක්සත් ජනපදයේ සහයෝගය ශ්‍රී ලංකාව සමඟ ඇති කල් පවත්නා හවුල්කාරිත්වය සහ වර්තමානයේ සහ අනාගතයේදී පවුල් නැවත ගොඩනැගීමේදී ඔවුන්ට සහාය වීමට ඇති කැපවීම පිළිබිඹු කරන බව තානාපතිනි ජූලි චන්ග් තවදුරටත් පැවසුවාය.