ශ්‍රී ලංකන් හිටපු ප්‍රධාන විධායක නිලධාරිවරයකුට සහ රුසියාවේ හිටපු ශ්‍රී ලංකා තානාපතිට අමෙරිකාවෙන් සම්බාධක..

ශ්‍රී ලංකන් ගුවන් සේවයේ හිටපු ප්‍රධාන විධායක නිලධාරි කපිල චන්ද්‍රසේනට සහ රුසියාවේ හිටපු ශ්‍රී ලංකා තානාපති  උදයංග වීරතුංගට අමෙරිකාව විසින් චෝදනා දෙකක් එල්ල කරමින් සම්බාධක සහ වීසා සීමා පනවා තිබෙනවා.

කපිල චන්ද්‍රසේනට එයාර්බස් ගුවන් යානා මිලට ගැනීම සඳහා අල්ලස් ගත් බවට සහ උදයංග වීරතුංගට ශ්‍රී ලංකා ගුවන් හමුදාවට මිග් ගුවන් යානා මිලදී ගැනීමේ දූෂිත වැඩපිළිවෙළක් ක්‍රියාත්මක කළ බවටයි අමෙරිකාව චෝදනා එල්ල කර ඇත්තේ.

අමෙරිකානු රාජ්‍ය දෙපාර්තමේන්තුව මගින් 7031(c) වගන්තිය යටතේ මොවුන් දෙදෙනාට සහ ඔවුන්ගේ සමීපතම පවුලේ සාමාජිකයන් යන දෙපාර්ශවයේම නම් ප්‍රසිද්ධ කර ඇති අතර, ඔවුන්ට එරටට ඇතුළුවීම තහනම් කර තිබෙනවා.

මෙන්න මේ ප්‍රදේශවල ඉන්න අය මොනවා අමතක් වුනත් කුඩේ නම් අද අමතක කර ගන්න එපා..

ශ්‍රී ලංකන් ගුවන් සේවයේ හිටපු ප්‍රධාන විධායක නිලධාරි කපිල චන්ද්‍රසේන,

7031(ඇ) වගන්තියට අනුව රාජ්‍ය දෙපාර්තමේන්තුව කපිල චන්ද්‍රසේන සැලකිය යුතු දූෂණයකට සම්බන්ධ බවට ප්‍රසිද්ධියේ නම් කරනවා. චන්ද්‍රසේන ශ්‍රී ලංකන් ගුවන් සමාගමේ ප්‍රධාන විධායක නිලධාරියා ලෙස කටයුතු කරමින් සිටියදී එයාර්බස් ගුවන් යානා වෙළෙඳපොළ වටිනාකමට වඩා මිල දී ගැනීම සහතික කිරීම සඳහා අල්ලසක් ලබාගෙන තිබෙනවා. මෙම ක්‍රියාවෙහි කොටසක් ලෙස, ඔහුගේ සමීපතම පවුලේ සාමාජිකයන් ද නම් කරනු ලැබුවා.

සහල්වලට උපරිම මිලක් සහිතව රජයෙන් ගැසට්ටුවක්...

රුසියාවේ හිටපු ශ්‍රී ලංකා තානාපති උදයංග වීරතුංග

7031(ඇ) වගන්තියට අනුව රාජ්‍ය දෙපාර්තමේන්තුව උදයංග වීරතුංග සැලකිය යුතු දූෂණයකට සම්බන්ධ බවට ප්‍රසිද්ධියේ නම් කරනවා. ඔහු ශ්‍රී ලංකා ගුවන් හමුදාවට මිග් ගුවන් යානා මිලදී ගැනීම සම්බන්ධ දූෂිත යෝජනා ක්‍රමයකින් පුද්ගලිකව ප්‍රතිලාභ ලබා ගෙන තිබෙනවා. මෙම ක්‍රියාවෙහි කොටසක් ලෙස, ඔහුගේ සමීපතම පවුලේ සාමාජිකයන් ද නම් කරනු ලැබුවා.

You may like this video