රුපියල තවත් සුළු වශයෙන් අවප්‍රමාණය වෙයි - අද ප්‍රධාන බැංකුවල ඩොලරයේ මිල ගණන් මෙන්න

පසුගිය සිකුරාදා දිනයට සාපේක්ෂව අද (19) ශ්‍රී ලංකාවේ වාණිජ බැංකු කිහිපයක ඇමරිකානු ඩොලරයට සාපේක්ෂව රුපියලේ අගය සුළු වශයෙන් පහත වැටී තිබේ. බැංකු කිහිපයක ඩොලරයේ ගැනුම් සහ විකුණුම් අනුපාතික ඉහළ ගොස් ඇති අතර, සෙලාන් බැංකුවේ අනුපාතිකවල වෙනසක් වාර්තා වී නොමැත.

සෙලාන් බැංකුවට (Seylan Bank) අනුව, ඇමරිකානු ඩොලරයක ගැනුම් අනුපාතිකය රු. 326.95ක් ලෙසත්, විකුණුම් අනුපාතිකය රු. 336.20ක් ලෙසත් නොවෙනස්ව පවතී. NDB බැංකුවේ ඩොලරයක ගැනුම් අනුපාතිකය රු. 326.60 සිට රු. 326.75 දක්වාත්, විකුණුම් අනුපාතිකය රු. 335.60 සිට රු. 335.75 දක්වාත් ඉහළ ගොස් තිබේ.

මහජන බැංකුවේ (People’s Bank) ගැනුම් අනුපාතිකය රු. 327.07 සිට රු. 327.36 දක්වා ඉහළ ගොස් ඇති අතර, විකුණුම් අනුපාතිකය ද රු. 335.18 සිට රු. 335.48 දක්වා ඉහළ ගොස් ඇත. කොමර්ෂල් බැංකුවේ (Commercial Bank) ඇමරිකානු ඩොලරයක ගැනුම් අනුපාතිකය රු. 325.09 සිට රු. 325.33 දක්වාත්, විකුණුම් අනුපාතිකය රු. 335.00 සිට රු. 335.25 දක්වාත් ඉහළ ගොස් තිබේ.

සම්පත් බැංකුවේ (Sampath Bank) ඩොලරයක ගැනුම් අනුපාතිකය රු. 327.00 සිට රු. 327.50 දක්වා ඉහළ ගොස් ඇති අතර, විකුණුම් අනුපාතිකය රු. 335.00 සිට රු. 335.50 දක්වා ඉහළ ගොස් ඇත.

ශ්‍රීලන්කන් ගුවන් සේවයෙන් හදිසි අනතුරු ඇඟවීමක් - මේ විදියේ Scam ඒවට අහුවෙන්න එපා! වංචාකරුවන්ගේ අලුත්ම වැඩේ මෙන්න

අද දින ලංකාවේ රත්තරන් මිලේ වෙනසක් - කැරට් 4 සිට කැරට් 21 දක්වා රන්මිල මෙන්න