මෙරට ප්‍රධානතම කැම්පස් එකක ඉතා අමානුෂික නවක වධයක්..ආචාර්යවරුන් දැඩි කනස්සල්ලෙන්.
Aruna
ශ්රී ජයවර්ධනපුර සරසවියේ නවක සිසුන් මේ දිනවල ඉතා අමානුෂික නවක වධයකට මුහුණ දී සිටින බව වාර්තා වනවා.
කළමනාකරණ පීඨය විසින් මේ නවක වධයට පිළියමක් ලෙස නේවාසිකාගාරයක් නවක සිසුන් වෙනුවෙන් ලබා දුන්න ද එම නේවාසිකාගාරයට නවක සිසුන්ට ඇතුළු වීමට ඉඩ නොදී බලහත්කාරයෙන් ජ්‍යෙෂ්ඨ සිසුන් සිටින නේවාසිකාගාරයක ඔවුන් රඳවාගෙන සිටින බවයි වාර්තා වන්නේ.
එමෙන්ම ශාස්ත්‍ර පීඨයේ පළමු වසර සිසුන්ගේ නේවාසිකාගාරය වසා දමා ජ්‍යෙෂ්ඨ සිසුන් සිටින නේවාසිකාගාරයට ඔවුන් අනුයුක්ත කරන ලෙස ජ්‍යෙෂ්ඨ සිසුන් පිරිසක් උපකුලපතිවරයාට බලපෑම් කරමින් සිටින බව ද වාර්තා වනවා.
ශ්රී ජයවර්ධනපුර සරසවියේ ජ්‍යෙෂ්ඨ ආචාර්යවරයෙක් පැවසුවේ, මේ වන විට නවක වධ සිද්ධියක් හේතුවෙන් ඇති වූ ගැටුමකින් නවක සිසුවකුට පහරදීමෙන් ඔහු දරුණු අක්ෂි තැලීමකට ලක්ව කළුබෝවිල රෝහලින් ප්‍රතිකාර ලබා ඇති බවයි.
මේ අමානුෂික නවක වධය ගැන ජයවර්ධනපුර සරසවියේ බොහෝ ආචාර්යවරුන් දැඩි කනස්සල්ලට පත්ව සිටින බවයි එම ජ්‍යෙෂ්ඨ ආචාර්යවරයා වැදුරටත් කියා සිටියා.
You May Like This Video
