නේපාලය කැළඹූ හිම කුණාටුවෙන් මළ සිරුරු දෙකක් සොයා ගනියි - තවත් 10 දෙනෙක් අතුරුදහන්

නේපාලයේ මනාන්ග් දිස්ත්‍රික්කයේ හිම්ලුන්ග් හිමාල් කඳු මුදුනේ ඉරිදා ඇති වූ හිම කුණාටුවකින් පුද්ගලයින් දෙදෙනෙකු ජීවිතක්ෂයට පත්ව තවත් 10 දෙනෙකු අතුරුදහන් වී ඇති බව පොලිසිය සඳහන් කරයි.

ඒ අනුව නාර් ෆු ප්‍රදේශයේ මීටර් 7,126 ක් උස හිම්ලුන්ග් හිමාල් කඳු මුදුනේ මූලික කඳවුරේ ඇති වූ හිම කුණාටුව හේතුවෙන් කඳු නගින්නන් නව දෙනෙකු සහ සහායක කාර්ය මණ්ඩලය 13 දෙනෙකු නවාතැන් ගෙන සිටි කූඩාරමක් වැළලී ගොස් ඇත.

එම සිද්ධියෙන් පසු පුද්ගලයින් 12 දෙනෙකු පමණ අතුරුදහන් වූ බව නියෝජ්‍ය පොලිස් අධිකාරී ශයිලේන්ද්‍ර තාපා පැවසූ බව වාර්තා විය.

අනතුරුව කඳු මුදුනේ තිබී දෙදෙනෙකුගේ මළ සිරුරු සොයා ගත් අතර තවත් 10 දෙනෙකු අතුරුදහන් වී ඇති බව පොලිසිය සඳහන් කළා. තාපාට අනුව, අතුරුදහන් වූ සියලු දෙනා නේපාල ජාතිකයන් වූ අතර ගලවා ගැනීමේ මෙහෙයුමක් සඳහා හෙලිකොප්ටරයක් ​​සිද්ධිය වූ ස්ථානයට යවා ඇති බව ඔහු ප්‍රකාශ කළා.

උදෑසන 05.30 ට නිකුත්කළ නිවේදනයක් - අද පස්වරු 2න් පසු රටේ වෙන්න යන දේ

එසේම අතුරුදන් වූවන් හිමාලයානු නිවාඩු නේපාලය (HHN) සහ ඉමාජින් නේපාල ට්‍රෙක්ස් යන සමාගම්වලට අයත් වන අතර, හිම කුණාටුවෙන් අනතුරුව ඔවුන්ගේ ජනතාව සමඟ සම්බන්ධතා අහිමි වූ බව HHN හි නිලධාරියෙක් සඳහන් කර ඇත.

ඔහු කියා ඇත්තේ, "ගවේෂණ කණ්ඩායමේ සාමාජිකයෙක් දුරකථනයෙන් කතා කරලා කිව්වා හිම කුණාටුව මූලික කඳවුරට වැදුණු පසු ඔවුන්ගේ මිතුරන් අතුරුදහන් වී ඇති බව,"යි.

එසේම නිලධාරියාට අනුව, සිද්ධියෙන් පසු ඔවුන් විසිරී ගිය බවත් අනෙක් අය පිළිබඳ කිසිදු තොරතුරක් නොමැති බවත් ගවේෂණ සාමාජිකයා සඳහන් කර තිබෙනවා.

හෙට සිට කොළඹ වාහන අඩු වෙයි - මේ පොදු ප්‍රවාහන සේවාව ගැන දැනුම්දීමක්

බදු අය නොකිරීමට තීරණයක් පියවර - අය කළ යුතු දේපල බද්ද පස්සට දැමීමට ජනපතිගෙන් ප්‍රකාශයක්