කුඩා දරුවන් සිටින දෙමාපියන් විශේෂයෙන් සැලකිලිමත් වන්න..

මේ දිනවල දරුවෝ අතර වෛරස් උණ තත්ත්වයන් කිහිපයක් පැතිරෙන බව ළමා රෝග විශේෂඥ වෛද්‍ය දීපාල් පෙරේරා මහතා පවසනවා.

පාසල් නිවාඩුව ක්‍රියාත්මක වන බැවින් දරුවන් විනෝද චාරිකා, කෙළි සෙල්ලම් කටයුතුවල වැඩි වශයෙන් නිරත ව සිටීම හේතුවෙන් විෂබීජ සහ වෛරස තත්ත්වයන්ට නිරාවරණය වීම මීට හේතුව බවයි වෛද්‍යවරයා පෙන්වාදෙන්නේ.

වගා හානි වන්දි මුදල් ගැන දැනුම්දීමක්..

ඉන්ෆ්ලුවන්සා A හා B රෝගී තත්ත්වය, පාචනය, අධික සෙම්ප්‍රතිශ්‍යාව, ශරීරයේ රතු ලප, කෙටි උණ මෙන් ම දිගු කාලීන කැස්ස ද මෙම වෛරස තත්ත්වයන් ද වෛරස ආසාදනය වූ දරුවන්ගේ රෝග ලක්ෂණ බව වාර්තා වනවා.

නමුත් මෙම රෝගී තත්ත්වය වෛරසයක් බැවින් ප්‍රතිජීවක ඖෂධ ලබාදීමේ අවශ්‍යතාවක් නොමැති බවත්; පැරසිටමෝල් පමණක් නියමිත මාත්‍රාවට ලබා දීම සහ විවේකය මෙම රෝගය සුව කිරීමට අත්‍යවශ්‍ය වන බව ද විශේෂඥ වෛද්‍ය දීපාල් පෙරේරා මහතා පවසනවා.

මහා දහවල් මැද්දේ කල්ලියක් නිවසකට පැනලා කරපු අපරාධයක්..

ඇතැම් දරුවන්ට රෝගී තත්ත්වය සුව වීමෙන් පසුව හිසරදය හෝ කැස්ස පැවතිය හැකි බැවින් ඒ සඳහා අවශ්‍ය වෛද්‍ය උපදෙස් වෙත යොමු වන ලෙසට ද ළමා රෝග විශේෂඥ වෛද්‍යවරයා දෙමාපියන්ගෙන් ඉල්ලා සිටිනවා.

කිසිදු ලෙසකින් මෙම වෛරස තත්ත්වයන් වැළඳුණු දරුවන් ස්නානය කරවීමේ බියක් ඇතිකර නොගත යුතු බවත්; මඳ රස්නය ඇති උණු වතුරින් ශරීරය තෙත මාත්තු කිරීමෙන් උණ රෝගය අඩු කරගත හැකි බව ද වෛද්‍යවරයාගේ අදහසයි.

You may like this video