බිරිද එක්ක තරහා වෙලා දියණියගේ බෙල්ල කපපු නරුම පියා
Mithu
විදේශගත බිරිඳ සමඟ දුරකථනයෙන් බහින්බස්වීමක් සිදුවීමෙන් අනතුරුව ඇති වූ පවුල් ආරවුලක් මත 29 රාත්‍රී පියා වයස අවුරුදු දොළහක් වන දියණියගේ ගෙල කපා බරපතල තුවාල සිදුකර පියාද සියතින් ගෙල කපාගෙන බරපතළ තුවාල ලැබීමෙන් පසුව දියතලාව මූලික රෝහලට ඇතුළත් කළ බව ලියංගහවෙල පොලිසිය පැවසීය.
කොස්ලන්ද පෙට්ටිගල මහකන්දවත්ත ප්‍රදේශයේ පදිංචි පියා සහ දියණිය මෙම සිද්ධියෙන් බරපතල තුවාල ලබා තිබේ. වයස අවුරුදු හයක් වන තවත් පිරිමි දරුවකු මම නිවසේ සිටින බවද පොලිසිය පැවසීය. ආර්ථික අපහසුකම් පැවැති බැවින් මීට අවුරුද්දකට පමණ පෙර බිරිඳ විදේශ රටක රැකියාවක් සඳහා ගොස් ඇති බවද ටික කලක පසු නිතර මොවුන් දෙදෙනා දුරකථනයෙන් ආරවුල් ඇති කරගන්නා බවට තොරතුරු ලැබී ඇති බවද පොලිසිය පැවසීය.
වැඩිදුර ප්‍රතිකාර සඳහා බදුල්ල ශික්‍ෂණ රෝහල් ඇතුළත් කළ පියා ඉතා අසාධ්‍ය තත්වයෙන් දැඩිසත්කාර ඒකකයේ ප්‍රතිකාර ලබන බවද රෝහල් ආරංචි මාර්ග පවසයි.
