සටන් විරාමය දිගටම කරගෙන සාකච්ඡා නැවත ආරම්භ කරන්න – ඕස්ට්‍රේලියාවේ දැඩි ඉල්ලීම

ඕස්ට්‍රේලියානු විදේශ අමාත්‍ය පෙනී වොන්ග්, එක්සත් ජනපදය සහ ඉරානය අතර සටන් විරාමය පවත්වාගෙන සාකච්ඡා නැවත ආරම්භ කරන ලෙස ඉල්ලා සිටියි.

“ඉස්ලාමාබාද්හි එක්සත් ජනපදය සහ ඉරානය අතර පැවති සාකච්ඡා එකඟතාවයකින් තොරව අවසන් වීම කණගාටුදායකයි” යනුවෙන් ඕස්ට්‍රේලියානු මාධ්‍ය වෙත නිකුත් කළ ප්‍රකාශයකින් වොන්ග් සඳහන් කළාය.

ඉරානය සමඟ සාකච්ඡාවලදී එකඟතාවකට පැමිණීමට අසමත් වූ බව එක්සත් ජනපදය පවසයි

“දැන් ප්‍රමුඛතාවය විය යුත්තේ සටන් විරාමය දිගටම පවත්වාගෙන යාම සහ සාකච්ඡා වෙත නැවත පැමිණීමයි. මෙම ගැටුමට කඩිනම් විසඳුමක් ලබා දීමට අපි දිගටම කැමැත්තෙන් සිටින්නෙමු” යනුවෙන් ඇය වැඩිදුරටත් පැවසීය.

ගැටුම තවදුරටත් උත්සන්න වුවහොත් ඊට වඩා විශාල මිනිස් වියදමක් සිදුවනු ඇති බවත්, එය ගෝලීය ආර්ථිකයට ද බලපානු ඇති බවත් ඕස්ට්‍රේලියානු විදේශ අමාත්‍යවරිය අනතුරු ඇඟවීය.

“අධික ඉල්ලීම් අත්හැරියොත් පමණයි සාකච්ඡා සාර්ථක වෙන්නේ” – ඉරානයෙන් එක්සත් ජනපදයට දැඩි පණිවිඩ