ලෝකෙම කළඹපු 14 හැවිරිදි සිසුවා මරාගෙන මැරිලා තියෙන්නේ ගෙදර ආච්චියි සීයවත් මරලා - පාසල් ඛේදවාචකයේ සියලු තතු එළියට

ඉකුත් සිකුරාදා(7) දින තායිලන්තයේ පාසලක සිදුවූ ඛේදවාචකය මේ වන විට ලෝකෙම අවධානය දිනා ගෙන ඇත්තේ සියල්ලන් කම්පා කරමින්.

එමෙන්ම එම සිදුවීමෙන් බරපතළ තුවාල ලැබූ 12 හැවිරිදි දැරියක් ද මිය ගිය බව පොලිසිය පැවසීමෙන් පසු, තායිලන්තයේ පාසලක සිදු වූ වෙඩි තැබීමෙන් මියගිය සංඛ්‍යාව නවයක් දක්වා ඉහළ ගොස් ඇත.

නොන්තබුරි පළාතේ ප්ලායි බෑන්ග් පොලිස් ස්ථානයේ පොලිසිය සඳහන් කළේ බරපතල තුවාල සහිතව රෝහලේ ප්‍රතිකාර ලබමින් සිටි දැරිය මිය ගිය බවයි.

කෙසේ වෙතත් වාර්තා වූ ආකාරයට ඝාතකයා එම පාසලේම අධ්‍යාපනය ලැබූ 14 හැවිරිදි පිරිමි ළමයෙකි.

ඔහු තම සීයා සහ ආච්චිට ද වෙඩි තබා පසුව තම පාසලේදී තවත් පුද්ගලයින් ඝාතනය කර ඉන්පසු තමාට ද වෙඩි තබා ගෙන ජීවිතක්ෂයට පත්ව ඇත.

ලබන මස 19 වැනිදා සිට අනිවාර්ය නීතියක් - නීතිය පිළිනොපඳින සියලු දෙනාට දඩ

බැංකොක් හි වයඹ දෙසින් පිහිටි ඩෙබ්සිරින් නොන්තබුරි පාසලේ සිදු වූ මෙම වෙඩි තැබීමෙන් 30 කට වැඩි පිරිසක් තුවාල ලබා ඇත.

එමෙන්ම සෙනසුරාදා සවස් වන විට පුද්ගලයින් 14 දෙනෙකු රෝහලේ රැඳී සිටි අතර, ඔවුන්ගෙන් හත් දෙනෙකුගේ තත්ත්වය බරපතළ විය.

කෙසේ වෙතත් සැකකරුගේ දෙමව්පියන් ඇතුළු තවත් සාක්ෂිකරුවන්ගෙන් පොලිසිය ප්‍රශ්න කර ඇත. ඒ අනුව දෙමව්පියන් වෙන්වීමෙන් පසු පිරිමි ළමයා වසර 12 ක් තම සීයා සහ ආච්චි සමඟ ජීවත් වූ බව පළාත් පොලිස් කලාප 1 හි නියෝජ්‍ය කොමසාරිස් අතපොල් අනුසිත් පවසා තිබුණා.

එසේම සැකකාර සිසුවා ඔහුගේ සීයාට අයත් තුවක්කුවකින් අවම වශයෙන් උණ්ඩ 26 ක් නිකුත් කර ඇති අතර, ඔහු සතුව අමතර පතොරම් 34 ක් තිබී සොයා ගෙන තිබෙනවා.

ඊට අමතරව පසුගිය වසරේ ගුරුවරයෙකු විසින් මෙම යෞවනයා සතුව වායු තුවක්කුවක් රාජසන්තක කර ඇති බවත් වාර්තා වී ඇති අතර මෙම සිසුවා අන්තර්ජාලය ඔස්සේ ප්‍රචණ්ඩකාරී අන්තර්ගතයන් නරඹා ඇති බවත්, ගිනි අවියක් භාවිතා කරන ආකාරය ඉගෙන ගැනීමට සමාජ මාධ්‍ය භාවිතා කර ඇති බවත් සඳහන්.

ඩීසල්, පෙට්‍රල් සහ ගෝලීය ගෑස්වල දැඩි හිඟයක් - තෙල් මිල අහස උසට යන බවට අනතුරු ඇඟවීමක්

ඒ අනුව නියෝජ්‍ය කොමසාරිස් අතපොල් පවසා තිබුණේ, "සාක්ෂිකරුවන්ගේ සම්මුඛ සාකච්ඡාවලට අනුව, අපරාධකරු යම් කාලයක් තිස්සේ, අවුරුදු එකක සිට දෙකක පමණ කාලයක් තිස්සේ ගිනි අවි භාවිතය අධ්‍යයනය කිරීමට උනන්දුවක් දැක්වීමට පටන් ගෙන තිබුණි," යනුවෙන්.

එමෙන්ම පොලිසිය මේ වන විට සාක්ෂිකරුවන් 17 දෙනෙකුගෙන් ප්‍රශ්න කර ඇති බව පැවසූ අතපොල්, පිරිමි ළමයාගේ බෑගයේ තිබී පිහියක් ද සොයාගෙන ඇති බවත් අපරාධ ස්ථානවලින් සොයාගත් අනෙකුත් සාක්ෂි අතර ගිනි අවියක්, භාවිතා කළ කාට්රිජ් පෙට්ටි සහ පුද්ගලික පරිගණකයක් ඇති බවත් පවසා ඇත.

එමෙන්ම ප්‍රහාරය පිළිබඳ වාර්තා පළවීමෙන් අනතුරුව, සිද්ධිය වූ දිනයේ සැකකාර වෙඩික්කරු පාසල තුළ රැඳී සිටි බව අභ්‍යන්තර කටයුතු අමාත්‍යාංශයේ ස්ථිර ලේකම් අර්සිත් සම්පන්තරත් වාර්තා කර ඇත.

එමෙන්ම තායිලන්ත අග්‍රාමාත්‍ය Anutin Charnvirakul මහතා සඳහන් කළේ සිසුවා තම අධ්‍යාපන කටයුතු සම්බන්ධයෙන් දැඩි මානසික පීඩනයකින් පෙළී තිබෙන බවයි.

ඊයේ ලියපු ශිෂ්‍යත්ව විභාගයේ ප්‍රතිඵල ලබන සැප්තැම්බර් මාසේ - ප්‍රතිඵල එන දවසත් එක්කම දැනුම්දීමක්

ඝාතනයට ලක්වූ ඔහුගේ මිත්තණිය ද හිටපු ගුරුවරියක වන අතර ඇය ඔහුගේ අධ්‍යාපන කටයුතු සම්බන්ධයෙන් ඔහුට ඉතා දැඩිව අවවාද කර ඇති බවත් සඳහන්.

කෙසේ වුවද තම පුතා කළ අපරාධය සම්බන්ධයෙන් සමාජයෙන් සමාව අයදින බව සිසුවාගේ පියා ප්‍රකාශ කර තිබෙනවා.

“මට එකවර හැඟීම් රාශියක් අත්විඳිමින් සිටිනවා. මටත් පාඩුවක් සිදු වූ නිසා මට වරදකාරී හැඟීමක් සහ හදවත බිඳුණු හැඟීමක් දැනෙනවා. මට මගේ දරුවා මෙන්ම මගේ දෙමව්පියන්ද අහිමි වුණා. ඒ වගේම කුඩා දැරියගේ පියා මා කෙරෙහි මෙතරම් කරුණාවන්ත හා අවබෝධයෙන් කටයුතු කරන ආකාරය දැකීමෙන් මට තවත් වරදකාරී හැඟීමක් ඇති වෙනවා."

කෙසේ වෙතත් මෙම සිදුවීමෙන් පසු පිලිපීන තානාපති කාර්යාලය නිවේදනය කළේ අදාළ පාසලේ සේවය කරන පිලිපීන ජාතික ගුරුවරුන් අට දෙනෙකු කිසිදු අනතුරකින් තොරව ආරක්ෂිතව සිටින බවත්, ඔවුන් මෙම ඛේදවාචකය සම්බන්ධයෙන් සිය බලවත් ශෝකය ප්‍රකාශ කරන බවත්ය.

තායිලන්තය යනු කලාපයේ ඉහළම ගිනි අවි හිමිකාරිත්වයක් ඇති රටවල්වලින් එකක් වන අතර එරට තුළ ඇස්තමේන්තුගත ගිනි අවි මිලියන 10ක් පමණ සංසරණය වන බව පැවසේ. මෙය සෑම පුද්ගලයන් හත් දෙනෙකුටම එක් ගිනි අවියක් බැගින් වන අනුපාතයකි.

5 ශ්‍රේණිය ශිෂ්‍යත්ව විභාගයේ ලොකු අවුලක් - සියල්ල හෙළි කරමින් දෙමාපියන් නීතී මගට