ටෙස්ලා ආක්‍රමණය කළ දැවැන්තයා..වාහන වෙළෙඳපොළේ දැවැන්ත පෙරළියක්..!

ලෝකයේ විද්‍යුත් වාහන අතර ප්‍රමුඛයා වන ඊලොන් මස්ක්ගේ ටෙස්ලා සමාගමේ මෝටර් රථවල ගෝලීය අලෙවිය ගතවූ 2024 වසරේදී ප්‍රථම වරට පහත වැටෙද්දී, චීන වෙළෙඳපොළ තුළ ටෙස්ලා වාහන අලෙවිය 2024 වසරේදී වාර්තාගත ලෙස ඉහළ ගොස් තිබේ.

2024 වසරේදී ටෙස්ලා විද්‍යුත් වාහන 6,57,000ක් චීනයේ අලෙවි වී තිබෙන්නේ 8.8%ක කැපී පෙනෙන වර්ධනයක් සලකුණු කරමිනි. අමෙරිකාව හැරුණුකොට ටෙස්ලා විද්‍යුත් වාහන වැඩිම ප්‍රමාණයක් අලෙවි වන්නේ චීනයෙනි.

ටෙස්ලා දැවැන්ත නිෂ්පාදනාගාරයක් ද චීනයේ ෂැංහයි නුවර පිහිටා තිබේ. 2024 වසරේ ටෙස්ලා ලොව පුරා අලෙවිකළ වාහනවලින් 36.7%ක් අලෙවි කර තිබෙන්නේ චීන පාරිභෝගිකයන්ටය.

වකුගඩු රෝගයේ ලක්‍ෂණ වෙන්න පුළුවන්...ඔබ ගණන් ගන්නෙවත් නැති රෝග ලක්ෂණ හතක් මෙන්න..

එහෙත් චීන BYD සමාගම ඇතුළු EV නිෂ්පාදකයන්ගෙන් එල්ල වන තරගකාරී අභියෝගය, මෙන්ම යුරෝපයේ සහ අමෙරිකාවේ අලෙවිය අඩුවීම නිසා 2024 වසරේ ටෙස්ලා ගෝලීය වාහන අලෙවිය 2023ට සාපේක්ෂව 1.1%කින් පහත වැටී තිබේ.

කෙසේ නමුත් නැවතත් EV වෙළෙඳපොළ ප්‍රමුඛයා ලෙස ටෙස්ලා වාහන මිලියන 1.79ක් 2024 වසරේදී ලොව පුරා අලෙවි කර තිබේ. ගෝලීය EV අලෙවිය අතින් දෙවැනි තැන ගන්නා BYD වාහන මිලියන 1.76ක් 2024 වසරේදී අලෙවි විය.

මේ අතර පරිසර හිතකාමී විද්‍යුත් වාහනවලට යොමුවෙමින් සිටි යුරෝපයේ උතුරු කෙළවර පිහිටි නෝර්වේ රාජ්‍යයේ පසුගිය 2024 වසරේදී අලෙවි වූ මෝටර් රථ සියල්ලම පාහේ විද්‍යුත් වාහන බව අනාවරණය වේ.

2023 වසරේ නෝර්වේ හි අලෙවි වූ සියලුම මෝටර් රථවලින් 82.4%ක් සම්පූර්ණයෙන්ම විද්‍යුත් මෝටර් රථ වුවත් 2024 වසරේදී සිය 88.9% දක්වා ඉහළ ගොස් ඇති බවද වාර්තා වේ.

එහිදී වැඩි වශයෙන්ම අලෙවි වී ඇත්තේ ටෙස්ලා විද්‍යුත් වාහ‍න වන අතර වොක්ස්වාගන්, ටොයෝටා වාහන නෝර්වේහි ඊළඟට වැඩියෙන්ම අලෙවි වූ විද්‍යුත් වාහන වේ. එසේම නෝර්වේ නව විද්‍යුත් වාහන අලෙවියේ 10%ක් චීන විද්‍යුත් වාහන බව අනාවරණය වී තිබේ. (උපුටාගැනීමක්)

…………………………………………………………………………………………………

You may like this video 👇